Osyǵan deıin Zaton polısıa bólimshesi, tozyǵy jetken eski ǵımaratta ornalasqan bolatyn. Qylmystyń aldyn alý, zań buzýshylyqtardy boldyrmaý jolynda eńbek etip júrgen polısıa qyzmetkerleri zaman talabyna saı jumys isteýi úshin olardyń materıaldyq-tehnıkalyq bazasyn jetildirý mańyzdy. Osy oraıda, bólimsheniń jańa ǵımaraty zamaýı qurylǵylarmen tolyq jabdyqtaldy.
– Atqarylyp otyrǵan búgingi is-shara qaladaǵy quqyq qorǵaý salasyndaǵy jaǵdaıdy jaqsartýǵa septigin tıgizetinine senim mol. Aldaǵy ýaqytty quqyq buzýshylyqtyń aldyn alý men tártip ornatýda nátıjeli jumys kútemiz. Sizder tek qala turǵyndary men týǵan- týystaryńyzdy ǵana emes, Otanymyzdyń tynyshtyǵyn da qorǵap júrsizder! Merekelerińiz qutty bolsyn!, – dedi oblys ákimi Danıal Ahmetov.
Sonymen qatar, bul kúni memlekettiń quqyq qorǵaý organdary qyzmetiniń sapasyn arttyrýǵa baǵyttalǵan keshendi sharalar aıasynda bólimsheniń avtokólikter parki jańa 51 qyzmettik avtokólikpen tolyqtyryldy.
– Oblys ákimi men departament basshylyǵynyń arqasynda biz júz prosent tehnıkamen qamtamasyz etildik. Bizdiń qyzmetkerler barlyq quqyq buzýshylyqqa ýaqytynda áreket etip, tártipti baqylaıtyn bolady, – dep Semeı qalasynyń ishki ister basqarmasynyń basshysy Aqylqan Qasqabaev aımaq basshysyna alǵysyn bildirip, moıyna artylǵan barlyq mindetterdi abyroımen atqarýǵa ýáde berdi.
SHQO ákimi baspasóz qyzmeti
