وسىعان دەيىن زاتون پوليسيا بولىمشەسى، توزىعى جەتكەن ەسكى عيماراتتا ورنالاسقان بولاتىن. قىلمىستىڭ الدىن الۋ، زاڭ بۇزۋشىلىقتاردى بولدىرماۋ جولىندا ەڭبەك ەتىپ جۇرگەن پوليسيا قىزمەتكەرلەرى زامان تالابىنا ساي جۇمىس ىستەۋى ءۇشىن ولاردىڭ ماتەريالدىق-تەحنيكالىق بازاسىن جەتىلدىرۋ ماڭىزدى. وسى ورايدا، بولىمشەنىڭ جاڭا عيماراتى زاماۋي قۇرىلعىلارمەن تولىق جابدىقتالدى.
– اتقارىلىپ وتىرعان بۇگىنگى ءىس-شارا قالاداعى قۇقىق قورعاۋ سالاسىنداعى جاعدايدى جاقسارتۋعا سەپتىگىن تيگىزەتىنىنە سەنىم مول. الداعى ۋاقىتتى قۇقىق بۇزۋشىلىقتىڭ الدىن الۋ مەن ءتارتىپ ورناتۋدا ناتيجەلى جۇمىس كۇتەمىز. سىزدەر تەك قالا تۇرعىندارى مەن تۋعان- تۋىستارىڭىزدى عانا ەمەس، وتانىمىزدىڭ تىنىشتىعىن دا قورعاپ جۇرسىزدەر! مەرەكەلەرىڭىز قۇتتى بولسىن!، – دەدى وبلىس اكىمى دانيال احمەتوۆ.
سونىمەن قاتار، بۇل كۇنى مەملەكەتتىڭ قۇقىق قورعاۋ ورگاندارى قىزمەتىنىڭ ساپاسىن ارتتىرۋعا باعىتتالعان كەشەندى شارالار اياسىندا بولىمشەنىڭ اۆتوكولىكتەر پاركى جاڭا 51 قىزمەتتىك اۆتوكولىكپەن تولىقتىرىلدى.
– وبلىس اكىمى مەن دەپارتامەنت باسشىلىعىنىڭ ارقاسىندا ءبىز ءجۇز پروسەنت تەحنيكامەن قامتاماسىز ەتىلدىك. ءبىزدىڭ قىزمەتكەرلەر بارلىق قۇقىق بۇزۋشىلىققا ۋاقىتىندا ارەكەت ەتىپ، ءتارتىپتى باقىلايتىن بولادى، – دەپ سەمەي قالاسىنىڭ ىشكى ىستەر باسقارماسىنىڭ باسشىسى اقىلقان قاسقابايەۆ ايماق باسشىسىنا العىسىن ءبىلدىرىپ، مويىنا ارتىلعان بارلىق مىندەتتەردى ابىرويمەن اتقارۋعا ۋادە بەردى.
شقو اكىمى باسپا ءسوز قىزمەتى
