Danial Ahmetov: «Perinataldy ortalyq perzenthanaǵa ainalmaýy kerek»
Semeidegi Perinataldy ortalyqta dáriger men naýqastyń boiyna laiyqtap retteitin kóp fýnktsiialy operatsiialyq ústel, shamdar, shala týǵan nárestelerge qajetti neontologiialyq profildi qural ornatylǵan.
Sondai-aq munda jatyrdaǵy balanyń jetilý patologiiasyn erte kezende anyqtaýǵa múmkindik beretin eksperttik sanattaǵy ýltradybystyq apparat, bakteriologiialyq analizator jáne basqalar bar. Sonymen qatar, ortalyqtyń dárigerleri sheteldiń irgeli klinikalarynda kýrstan ótip, zamanaýi meditsinalyq jabdyqtardyń jumystarymen jete tanysqan.
Oblys ákimi jańadan satyp alynǵan quraldardyń sapasyna oń baǵasyn berip, aýrýhana qyzmetkerlerine ózderiniń shetelde jinaǵan tájiribelerin is júzine asyrý jáne zamanaýi qondyrǵylardy paidalaný arqyly bosandyrý jumystarynyń tiimdiligin arttyrýǵa, patologiiany anyqtaýǵa jáne ana men bala óliminiń aldyn alýǵa múmkindik beretin joǵary deńgeili ana men bala ortalyǵyn qalyptastyrý qajettigin atap ótti.
– Perinataldy ortalyq joǵary meditsinalyq jáne biliktilik ortalyǵy bolýy tiis. Bul perzenthana emes, perinataldy ortalyqty qatardaǵy perzenthanaǵa ainaldyrýdan aýlaq bolý kerek. Bul durys emes. Barǵa bazar dep otyra berýge bolmaidy, únemi alǵa jyljyp, izdený kerek. Jańa qondyrǵylardy meńgerip, oqyp-bilýge tyrysý kerek, – dedi oblys ákimi Danial Ahmetov.
Aita ketý kerek, Semei Perinataldyq ortalyǵyn zamanaýi jabdyqtarmen qamtamasyz etý jáne meditsinalyq qyzmetkerlerdiń biliktiligin arttyrý jumystary Shyǵys Qazaqstan oblysy ákiminiń meditsina qyzmetkerleriniń biliktiligin arttyrý jáne qaita daiarlaý baǵdarlamasy aiasynda júzege asyryldy.
ShQO ákiminiń baspasóz qyzmeti
https://dalanews.kz/33561
