Danial Ahmetov: "Memsatýdy ózgertýdi usynamyn"
Aýyl ákimderiniń alǵashqy respýblikalyq forýmynda jergilikti ózin-ózi basqarý júiesiniń 2020 jylǵa deiin satylai derbes qarjylandyrýǵa ótý máselesi talqylanǵan-dy. Nátijesinde aýyldyq okrýgterge túsetin barlyq salyqtyq tólemder mektepke deiingi tárbie men oqytýǵa, eldi-mekenderdi abattandyrý men kógaldandyrýǵa, jol jóndeý, sýmen qamtý jáne basqa muqtajdyqtarǵa jumsalady. Osy salalardaǵy ózekti máselelerdi jyldam sheshý úshin óńir basshysy forýmda memlekettik satyp alýda ruqsat etiletin shekti soma kólemin ulǵaitý qajettigin alǵa tartty. Búginde ol 100 ailyq eseptik kórsetkishti quraidy.
– Máselen, elektr qýatyn beretin jelini tez arada jóndeý qajettigi týady. Osy siiaqty shuǵyl jaǵdailarda máseleni sheshý úshin aýyl ákimi ýaqyt joǵaltyp, tender rásimderi týraly habarlama berip júrmei, tikelei ózi kelisim-shartqa qol qoia alatyn quzyry bolýy shart. Sondyqtan memlekettik satyp alý týraly zańǵa ózgertý engizip, baiqaýǵa qatyspaityn shekti soma kólemin 7-10 million teńgege deiin arttyrsa, durys bolar edi, – dedi Danial Ahmetov.
QR ulttyq ekonomika ministri Timýr Súleimenov oblys ákiminiń usynysyn qoldap, ony QR qarjy ministrligimen birge qarastyratynyn jetkizdi.
ShQO ákiminiń baspasóz qyzmeti
