Aımaq basshysy bul rette mektepterdegi oryn jetispeýshilik máselesine nazar aýdarǵan bolatyn.
"Óńirde jańa bilim ordalary salynyp, oqýshylardyń keń bólmelerde bilim alýyn qamtamasyz etemiz" degen edi Danıal Ahmetov.
Al búgin Óskemendegi M.Shaıahmetov atyndaǵy №23 mektepke japsarlas 300 oryndyq qosymsha korpýs salyndy.
Qurylysy 2017 jyly bastalǵan korpýsta jalpy oqý jáne mamandandyrylǵan kabınetter, kitaphana, ashana jáne sport zaly, medısınalyq kabınet bar.
Sonymen qatar korpýstyń aınalasyna abattandyrý jumystary júrgiziledi. Mektep aýmaǵynyń qorshaýy jańartylyp, sport alańdary men balalardyń oıyn alańqaılary salyndy, jaıaý júrginshiler joly jasaldy, jaryqtandyryldy.
Ǵımarattyń qurylysy men abattandyrý jumystaryna sapaly materıaldar qoldanylyp, korpýs beınebaqylaý júıesimen, zamanaýı jabdyqtarmen qamtamasyz etildi.
Qosymsha korpýs zamanaýı oqytý quraldaryn qoldana otyryp balalardyń bilim alýyna qolaıly jaǵdaı jasaýǵa, oqýshylardyń bos ýaqytyn tıimdi ótkizýge múmkindik beredi.
