– Qurmetti jerlester, búgin men barlyq qajetti taldaýlardan ótkennen keiin plazma donory boldym. Qan ortalyǵy dárigerleriniń qadaǵalaýymen 600 millilitr plazma tapsyrdym, – dep jazdy aimaq basshysy Instagram paraqshasynda.
Ol sondai-aq, donordyń jaǵdaiyn turaqty qadaǵalap otyrady, ortalyq mamandarynyń joǵary kásibiliginiń arqasynda protsedýra jaǵymsyz ásersiz ári jeńil ótken.
Aimaqtyq qan ortalyǵy qyzmetkerleriniń aitýynsha, immýndyq plazma COVID-19 infektsiiasynyń aýyr túrimen syrqattanǵan naýqastardy emdeýdiń tiimdi quraly ekenin aitty.
Terapiiadaǵy bul ádistiń tiimdiligin álemdik ǵylymi institýttar dáleldegen. Ortalyq mamandary Shyǵys Qazaqstan oblysy kovidpen qatty aýyrǵan naýqastarǵa kómektese alatyn elimizdegi immýndyq plazma bankin qurǵan birinshi aimaq. Tek ótken aptada 234 doza daiyndalǵan.
– Donor bolǵysy keletinderdiń kóbeiip kele jatqany qýantady. Aita ketý kerek, plazmany koronavirýspen aýyratyndar da, eki ai ótse, men siiaqty vaktsina salǵandar da tapsyra alady. Meniń qanymdaǵy antideneler titri óte joǵary. Sondyqtan, men búgin tapsyrǵan plazma dozasy aýyr hálde jatqan úsh naýqasty emdeýge jetedi. Biz tek osylai ǵana koronavirýs infektsiiasynyń taralýyn toqtata alamyz jáne qazir jaǵdaiy óte qiyn jaqyndarymyzǵa kómektese alatynymyzǵa senimdimin, – dedi Danial Ahmetov.
Plazmany tapsyrý rásiminen keiin aimaq basshysy dástúrli tátti shái iship, donorlarǵa tiesili aqshany balalar úiiniń shotyna aýdardy.
Sonymen qatar, aimaq basshysy paraqshasyndaǵy jazbasynda shyǵysqazaqstandyqtardy Tokioda ótip jatqan Olimpiadada úsh qarǵyp sekirýden búgin synǵa túsetin Olga Rypakovany qoldap, jankúier bolýǵa shaqyrdy.
