Shyǵys Qazaqstan ákimi Danıal Ahmetov jaqynda ǵana Óskemendegi kóshelerdiń birine júrgizilgen jóndeýdiń sapasyn qatań synǵa aldy. Qyrýar qarjy quıylǵan joldyń jańa jabyndysy qalalyqtarǵa uzaq qyzmet ete qoımasy anyq. İsine salǵyrt qaraǵandar endi olqylyqtyń ornyn toltyrýǵa mindetti.



Oblys kóleminde júrip jatqan jol jóndeý jumystarynyń barysy talqyǵa túsken keńeıtilgen apparat otyrysynda aımaq basshysy jaýapsyz merdigerler máselesine erekshe toqtaldy.

– Bajov kóshesindegi istelinip jatqan jumysta sapa joq. Eki jyldan keıin joldyń jaǵdaıy qaz-qalpyna túsedi. Biz jumys aqysyn tolyq tóleımiz, al olar moıyndaryna alǵan mindetti tolyq oryndamaıdy. Arnaıy komısıa quryp, ýchaskege tekserý júrgizýdi tapsyramyn. Barlyq kemshilikter joıylýy tıis, – dedi Danıal Ahmetov.

Jalpy Óskemendegi joldardy jańartýǵa 8 mıllıardtan astam teńge qarastyrylyp otyr. Olardyń 5,7 mlrd. teńgesi qaıta qurýǵa josparlansa, 1,5 mlrd. teńge orta jóndeýge, 900 mln. teńge kóshe-jol jelilerin ustaýǵa baǵyttalǵan. Búginde ortalyq kóshelerde orta jóndeý jumystary 90 paıyzǵa deıin oryndaldy.

 

SHQO ákiminiń baspasóz qyzmeti

 

https://dalanews.kz/30625