شىعىس قازاقستان اكىمى دانيال احمەتوۆ جاقىندا عانا وسكەمەندەگى كوشەلەردىڭ بىرىنە جۇرگىزىلگەن جوندەۋدىڭ ساپاسىن قاتاڭ سىنعا الدى. قىرۋار قارجى قۇيىلعان جولدىڭ جاڭا جابىندىسى قالالىقتارعا ۇزاق قىزمەت ەتە قويماسى انىق. ىسىنە سالعىرت قاراعاندار ەندى ولقىلىقتىڭ ورنىن تولتىرۋعا مىندەتتى.



وبلىس كولەمىندە ءجۇرىپ جاتقان جول جوندەۋ جۇمىستارىنىڭ بارىسى تالقىعا تۇسكەن كەڭەيتىلگەن اپپارات وتىرىسىندا ايماق باسشىسى جاۋاپسىز مەردىگەرلەر ماسەلەسىنە ەرەكشە توقتالدى.

– باجوۆ كوشەسىندەگى ىستەلىنىپ جاتقان جۇمىستا ساپا جوق. ەكى جىلدان كەيىن جولدىڭ جاعدايى قاز-قالپىنا تۇسەدى. ءبىز جۇمىس اقىسىن تولىق تولەيمىز، ال ولار مويىندارىنا العان مىندەتتى تولىق ورىندامايدى. ارنايى كوميسسيا قۇرىپ، ۋچاسكەگە تەكسەرۋ جۇرگىزۋدى تاپسىرامىن. بارلىق كەمشىلىكتەر جويىلۋى ءتيىس، – دەدى دانيال احمەتوۆ.

جالپى وسكەمەندەگى جولداردى جاڭارتۋعا 8 ميللياردتان استام تەڭگە قاراستىرىلىپ وتىر. ولاردىڭ 5،7 ملرد. تەڭگەسى قايتا قۇرۋعا جوسپارلانسا، 1،5 ملرد. تەڭگە ورتا جوندەۋگە، 900 ملن. تەڭگە كوشە-جول جەلىلەرىن ۇستاۋعا باعىتتالعان. بۇگىندە ورتالىق كوشەلەردە ورتا جوندەۋ جۇمىستارى 90 پايىزعا دەيىن ورىندالدى.

 

شقو اكىمىنىڭ باسپا ءسوز قىزمەتى

 

https://dalanews.kz/30625