Máselen biyl elektr jabdyqtaryn jóndeitin elektr-slesar, mashinist, traktorist, tehnik-tehnolog syndy jumysshy mamandyqtarǵa oqityn stýdentterdiń az bolypty.
Sondai-aq mundai jaǵdai joǵary oqý oryndarynda da oryn alǵan. Mysaly matematika, fizika pánderiniń muǵalimderi men veterinar, ósimdik sharýashylyǵy, mal sharýashylyǵy salasy boiynsha oqýǵa birde-bir túlek niet bildirmepti.
Sol sebepten jańa oqý jylynan bastap qala men aýdan ákimderi, bilim basqarmasy, jumyspen qamtý jáne áleýmettik baǵdarlamalardy úilestirý basqarmasy óńirdegi JOO-men birlesip, kásibi baǵdarlaý jumystaryn qolǵa alýdy josparlap otyr.
Osylaisha, memlekettik tapsyrys negizinde oqytylatyn suranysqa ie mamandyqtarǵa degen oqýshylardyń qyzyǵýshylyǵyn oiatpaq.
