Bul jaiynda aimaqtyń 2025 jylǵa deiingi qurylys josparyn iske asyrýdy talqylaǵan jiynda óńir basshysy Danial Ahmetov málim etti.
Ákimniń aqparatyna sai qazirgi tańda 170-ke jýyq turǵyn-úidiń jobalyq-smetalyq qujattamasy ázirlený ústinde. Bul shamamen – 650 myń sharshy metrden astam turǵyn úi.
"Biylǵy jyly oblystaǵy qurylys qarqyny Táýelsizdik tarihynda alǵash ret million sharshy metrden asyp jyǵyldy. Bul aýyz toltyryp aitýǵa turarlyq jetistik. Ásirese, Semei qalasyna qumbyl kóńil bólýdemiz. Bul sheshim ózin-ózi aqtady.
Qurylys jumystarynyń qarqyny boiynsha biylǵy jyly Semei qalasy Óskemendi artta qaldyrdy. Alaida munymen toqtap qalýǵa bolmaidy, ózi júristan jańylmai, aldaǵy jyldarǵa júieli jospar qurý qajet», - dedi Danial Ahmetov.
Ákimniń aitýynsha, «Birqabatty Shyǵys» jobasy aiasynda kommertsiialyq jáne nesielik úiler kóptep salynýda. Turǵyndar arasynda ol úilerge suranys joǵary.
«Aldaǵy jyly birinshi bolyp qarjylandyrýdy biyl jaqsy nátije kórsetken aýdandar alatynyn atap ótkim keledi. Sondai-aq elimizdiń basqa qalalary men oblystaryndaǵy qurylys kompaniialaryn qaita tartýǵa daiynbyz. Áleýmettik jáne mádeni obektiler salýdy josparlaý, onyń ishinde barlyq qajetti injenerlik kommýnikatsiialardy júrgizýge 2023 jyly qosymsha qansha qarjy qajet ekenin esepteý kerek. Osy qarqyndy báseńdetpei, 2022-2025 jyldar aralyǵynda jyl saiyn kemine 700 myń sharshy metr turǵyn úi salý kózdelip otyr», - dedi Danial Ahmetov.
