Qol astyndaǵy qyzmetkerdiń shetin áreketine qynjylatynyn aıtqan Shyǵys Qazaqstan oblysynyń ákimi, qamaýǵa alynǵan sheneýnikke qatysty tergeýdiń ashyq júrgiziletinin jetkizip otyr.
“Rıdder qalasy ákiminiń orynbasaryna kelsek, árıne, óte qaıǵaly jaǵdaı. Keshe ol tutqynǵa alyndy.
Búgin quqyq qorǵaý organdary qajetti sharalardy jalǵastyryp jatyr.
Biz qaza tapqan jigittiń otbasyna kóńil aıtyp, keshirim suradyq. Endi jaqyn arada tergeý jumystarynyń aıaqtalýyn kútemiz”, – deıdi Shyǵys Qazaqstan oblysynyń ákimi Danıal Ahmetov.
«BMW H5» kóligin tizgindegen Rıdder qalasy ákiminiń orynbasary Baýyrjan Qurmanbaev jol shetindegi júrginshini qaǵyp ketken bolatyn.
19 jastaǵy jigit jedel járdem jetkenshe oqıǵa ornynda kóz jumady.
Keıin tekserý barysynda ákim orynbasarynyń araqqa sylqıa toıyp alǵany anyqtalǵan. Qazir 45 jastaǵy azamat ýaqytsha ustaý ızolátoryna toǵytylǵan. Endi ol mas kúıinde kólik júrgizip, kisi qaqqany úshin 5 jylǵa deıin sottalýy múmkin.
Derekkóz: KTK
