«Damý» Qory Aziia damý bankinen $200 mln kólemde nesie alady
Mundai sheshim «Damý» Qorynyń direktorlar keńesiniń otyrysynda qabyldandy.
Aziia damý bankiniń nesiesi Qazaqstan Respýblikasy Úkimetiniń memlekettik kepildigi aiasynda beriledi.
ADB qarajaty ulttyq valiýta – teńgelei berilip, mikro, shaǵyn jáne orta kásipkerlik jobalary úshin ekinshi deńgeili bankter men Qazaqstannyń mikroqarjylyq uiymdary arqyly bosatylady.Ekinshi deńgeili bankter men Qazaqstannyń mikroqarjylyq uiymdary arqyly beriletin nesieler negizinen negizgi qural-jabdyqtar alý jáne jańartý, tólep jatqan nesielerin qaita qarjylandyrý jáne ainalym qarajatyn tolyqtyrýǵa baǵyttalady. Bir boryshkerdiń qolyna ekinshi deńgeili bank arqyly 1,080 mlrdteńgege deiin, mikroqarjylyq uiym arqyly 8 000 ailyq eseptik kórsetkishke deiin qarjy tiedi.
Nátijesinde shamamen 2 850 MShOB sýbektileri qarjylandyrylyp, olar biýdjetke shamamen 60,5 mlrd teńge salyq tóleidi dep boljanyp otyr. Sondai-aq bul kásipkerler 2 280-ge jýyq jańa jumys oryndaryn ashyp, kem degende 451 mlrd teńgeniń ónimin shyǵarady dep kózdelgen. Boljam boiynsha kásipkerler nesieniń esebinen 21,6 mlrd teńgege qural-jabdyqtaryn jańartyp ala-alady.
