Daǵystan astanasy Mahachkalanyń ortalyǵyndaǵy ýniversitet alańynda atys bolǵany belgili boldy, dep habarlaidy Dalanews.kz.
RIA Novosti málimetinshe, qazirgi tańda politsiia qyzmetkerleri sol jerde tekseris júrgizip jatyr.
"Mahachkalada oryn tepken Gadjiev pen Korkmasov kósheleriniń mańynda quqyq qorǵaý organdary is – sharalar ótkizip, turǵyndardan osy aýmaqtan ketýdi suraidy", - delingen habarlamada.
Keiinirek Daǵystan IIM Mahachkaladaǵy ýniversitet alańynyń aýmaǵyn politsiia qyzmetkerleri kýágerden kelgen signal boiynsha teksergenin habarlady.
Kýágerlerden kelgen habarlamaǵa bailanysty bul jerge dereý poliiatsiia jóneltilgen.
"Munda politsiianyń birneshe nariady jiberilip, aýmaq qorshaýǵa alyndy. Kinologtardy tarta otyryp, aýmaqty jáne onyń ainalasyn muqiiat tekserý júrgizildi. Aqparat rastalmady. Barlyǵy tynysh", - dedi vedomstvoda.
Eske salaiyq, 23 maýsymda Daǵystanda belgisiz bireýler sinagoga men shirkeýge shabýyl jasaǵan edi.
Al 24 maýsymda tańerteń Qazaqstan prezidenti Qasym-Jomart Toqaev Daǵystandaǵy pravoslavie shirkeýi men sinagogaǵa lańkestik áreketter jasalyp, sonyń saldarynan din jáne quqyq qorǵaý organdary qyzmetkerleriniń qaza bolýyna bailanysty Resei Prezidenti Vladimir Pýtinge kóńil aitty. Qazaqstan Prezidenti quqyq qorǵaý júiesi arqyly jedel-izdestirý sharalaryn júrgizýde kómek kórsetýge daiyn ekenin jetkizdi.
Memleket basshysy adamzatqa qarsy jasalǵan mundai áreketti úzildi-kesildi aiyptaidy, sondai-aq, BUU, ShYU jáne basqa da bedeldi halyqaralyq uiymdar aiasynda lańkestikpen kúresý úshin kópjaqty yntymaqtastyqty damytýdy qoldaidy.
Bastapqyda Daǵystannyń quqyq qorǵaý organdary bir qyzmetkerdiń qaitys bolǵanyn rastady. Taǵy altaýy jaraqat aldy. Bul týraly reseilik BAQ habarlady.
Keiinnen qaza tapqandar sany 9 adamǵa jetti. Onyń jeteýi quqyq qorǵaý organdarynyń qyzmetkerleri. Taǵy 25 adam jaraqat alǵan. Daǵystan IIM málimetinshe, Mahachkalada shabýyl jasaǵan 4 adam mert bolǵan.
Sonymen qatar Sergokalada belgisiz bireýler politseilerdiń kóligin atyp tastaǵan. Saldarynan bir qyzmetker jaraqat alǵan.
