داعىستان استاناسى ماحاچكالانىڭ ورتالىعىنداعى ۋنيۆەرسيتەت الاڭىندا اتىس بولعانى بەلگىلى بولدى، دەپ حابارلايدى Dalanews.kz.

ريا نوۆوستي مالىمەتىنشە، قازىرگى تاڭدا پوليسيا قىزمەتكەرلەرى سول جەردە تەكسەرىس جۇرگىزىپ جاتىر.

"ماحاچكالادا ورىن تەپكەن گادجييەۆ پەن كوركماسوۆ كوشەلەرىنىڭ ماڭىندا قۇقىق قورعاۋ ورگاندارى ءىس – شارالار وتكىزىپ، تۇرعىنداردان وسى اۋماقتان كەتۋدى سۇرايدى"، - دەلىنگەن حابارلامادا.

كەيىنىرەك داعىستان ءىىم ماحاچكالاداعى ۋنيۆەرسيتەت الاڭىنىڭ اۋماعىن پوليسيا قىزمەتكەرلەرى كۋاگەردەن كەلگەن سيگنال بويىنشا تەكسەرگەنىن حابارلادى.

كۋاگەرلەردەن كەلگەن حابارلاماعا بايلانىستى بۇل جەرگە دەرەۋ پولياسيا جونەلتىلگەن.

"مۇندا پوليسيانىڭ بىرنەشە ناريادى جىبەرىلىپ، اۋماق قورشاۋعا الىندى. كينولوگتاردى تارتا وتىرىپ، اۋماقتى جانە ونىڭ اينالاسىن مۇقيات تەكسەرۋ جۇرگىزىلدى. اقپارات راستالمادى. بارلىعى تىنىش"، - دەدى ۆەدومستۆودا.

ەسكە سالايىق، 23 ماۋسىمدا داعىستاندا بەلگىسىز بىرەۋلەر سيناگوگا مەن شىركەۋگە شابۋىل جاساعان ەدى.

ال 24 ماۋسىمدا تاڭەرتەڭ قازاقستان پرەزيدەنتى قاسىم-جومارت توقايەۆ داعىستانداعى پراۆوسلاۆيە شىركەۋى مەن سيناگوگاعا لاڭكەستىك ارەكەتتەر جاسالىپ، سونىڭ سالدارىنان ءدىن جانە قۇقىق قورعاۋ ورگاندارى قىزمەتكەرلەرىنىڭ قازا بولۋىنا بايلانىستى رەسەي پرەزيدەنتى ۆلاديمير پۋتينگە كوڭىل ايتتى. قازاقستان پرەزيدەنتى قۇقىق قورعاۋ جۇيەسى ارقىلى جەدەل-ىزدەستىرۋ شارالارىن جۇرگىزۋدە كومەك كورسەتۋگە دايىن ەكەنىن جەتكىزدى.

مەملەكەت باسشىسى ادامزاتقا قارسى جاسالعان مۇنداي ارەكەتتى ۇزىلدى-كەسىلدى ايىپتايدى، سونداي-اق، بۇۇ، شىۇ جانە باسقا دا بەدەلدى حالىقارالىق ۇيىمدار اياسىندا لاڭكەستىكپەن كۇرەسۋ ءۇشىن كوپجاقتى ىنتىماقتاستىقتى دامىتۋدى قولدايدى.

باستاپقىدا داعىستاننىڭ قۇقىق قورعاۋ ورگاندارى ءبىر قىزمەتكەردىڭ قايتىس بولعانىن راستادى. تاعى التاۋى جاراقات الدى. بۇل تۋرالى رەسەيلىك ب ا ق حابارلادى.

كەيىننەن قازا تاپقاندار سانى 9 ادامعا جەتتى. ونىڭ جەتەۋى قۇقىق قورعاۋ ورگاندارىنىڭ قىزمەتكەرلەرى. تاعى 25 ادام جاراقات العان. داعىستان ءىىم مالىمەتىنشە، ماحاچكالادا شابۋىل جاساعان 4 ادام مەرت بولعان. 

سونىمەن قاتار سەرگوكالادا بەلگىسىز بىرەۋلەر پوليسەيلەردىڭ كولىگىن اتىپ تاستاعان. سالدارىنان ءبىر قىزمەتكەر جاراقات العان.