Qazir bul elde ekonomıkalyq daǵdarys beleń alyp, aılyq pen zeınetaqy ýaqytynda tólenbeı keledi.
Túrkimenstannyń memlekettik aqparat quraldarynyń jazýynsha, jańadan salynatyn "Qaraqum" bıznes ortalyǵy zamanaýı qurylǵylarmen jabdyqtalyp, onyń janynan záýlim qonaq úı salynatyn bolady. Qurylysty túriktiń "Rönesans Endüstri Tesisleri Inşaat Sanayi ve Ticaret A.Ş" kompanıasy júzege asyrady.
Qurylys jumysy 2018 jyldyń qyrkúıek aıynda bastalyp, 2021 jyldyń aqpanynda aıaqtalady dep josparlanǵan.
9 qabat bolatyn qonaq úı 6,9 gektar jerdi almaq. Onyń qonaq jaıǵasatyn 87 bólmesi bolady. Aınalasyna saýda ortalyǵy, meıramhanalar, sulýlyq salondary salynbaq.
Bılikke jaqyn derekkózdiń málimetinshe, "Qaraqum" qonaq úıi qurylysynyń jalpy quny 300 mıllıon dollar turady.
Bıliktegi qurylys mekemesindegi taǵy bir derekkózdiń habarlaýynsha, túrkimen bıligi bastapqyda fransýzdyń "Býıg" kompanıasymen kelissózder júrgizgen. Biraq eki tarap ortaq kelisimge kele almaǵan. Keıin bul jobany túrik kompanıasy qolǵa alǵan.
«QmD» aqparat
