Ortalyq Aziiadaǵy eń iri avtosport kesheni – Sokol International Circuit aýmaǵynda Asia Auto Gymkhana Championship 2025 jarysynyń alǵashqy kezeńi ótti.Jarys FIA Halyqaralyq avtokólik federatsiiasydemeýimen, FIA Sport Grant Programme baǵdarlamasy aiasynda jáne AMSRSF Qyrǵyzstanmen seriktestikte ótip jatyr, dep habarlaidy Dalanews.kz.
Qazaqstandyq Allur avtokólik kompaniiasynyń quramyndaǵy Chevrolet brendi jarystyń resmi tehnikalyq seriktesi atandy. Barlyq komandalar bir úlgidegi Chevrolet Cobalt avtokólikterinde baq synady. Bul sheshim qatysýshylarǵa teń múmkindik berip, jarystyń basty nazaryn pilottardyń sheberligine aýdardy.
Asia Auto Gymkhana Championship – djimhana boiynsha ótetin halyqaralyq jarys, kúrdeli tehnikalyq daǵdylardy talap etetin avtosporttyń erekshe túri. Atalǵan sport túri Japoniia, AQSh, Ulybritaniia jáne Ońtústik Afrika elderinde keń taralǵan. Jarystyń maqsaty – arnaiy belgilengen kedergilerden (konýstar, dóńgelekter jáne t.b.) turatyn qiyn trassany dál jáne jyldam eńserý. Pilottar trassada 180° jáne 360° burylystar jasap, artqa júrý, "segizdik" syndy kúrdeli manevrler oryndaidy.
Chempionatqa 8 elden kelgen 10 komanda qatysty: Qazaqstan, Qyrǵyzstan, Ózbekstan, Bangladesh, Úndistan, Singapýr, Taivan jáne Gonkong. Sokol avtodromyndaǵy tehnikalyq jaǵynan kúrdeli, burylysy kóp trassada qatysýshylar kólik basqarýdaǵy dáldigi men úilesimdiligin, ásirese juptyq jarystarda joǵary deńgeide kórsete bildi.
Qazaqstandyq kezeńniń qorytyndysy boiynsha:
Male solo
1 Omurakunov Akylbek KGZ
2 Vedenev Alexey KGZ
3 Chun Ta Lin TWN
Female solo
1 Yu Jing Lin TWN
2 Mukhametzianova Diana KGZ
3 Muskaan Jubbal IND
Mixed Duoble
1 Kyrgyzstan
2 Taiwan
3 India
Male Double
1 Kyrgyzstan
2 Uzbekistan
3 India
"Chevrolet Cobalt modeli bul jarystyń bir bóligi bolǵanyna biz maqtanamyz. Kólik ózin trassada senimdikórsetip, pilottardyń sheberligin tolyq ashýǵa múmkindik berdi. Biz úshin Asia Auto Gymkhana Championship týrnirine qatysý – tek avtosportty qoldaý ǵana emes, sonymen qatar myńdaǵan qazaqstandyqtyń kúndelikti tańdaýyna ainalǵan kóliktiń senimdiligin taǵy bir márte dáleldeý", – dep atap ótti Chevrolet Kazakhstan kompaniiasy.
Chevrolet Cobalt-tyń halyqaralyq jarysqa qatysýymen qatar, onyń naryqtaǵy jetistikteri de airyqsha atap ótýge turarlyq. Qazaqstannyń Avtokólik Odaǵy (QAO) málimetinshe 2025 jyldyń sáýir aiynda Chevrolet Qazaqstandaǵy barlyq markalar arasynda satylym kólemi boiynsha ekinshi orynǵa shyqty. Bir aida 2 725 avtokólik satylǵan, onyń 2 194-i dál osy Cobalt modeli. Bul kórsetkish Chevrolet Cobalt-ty B segmentinde kóshbasshy etti jáne onyń halyq arasyndaǵy tanymaldyǵyn, qoljetimdi ári praktikalyq kólik retindegi bedelin aiqyndady.
Sokol avtodromy chempionattyń alǵashqy bes kezeńiniń biri boldy. Alda – Shri-Lanka, Úndistan, Taibei kezeńderi jáne aqtyq syn – Ózbekstanda ótedi. Chevrolet týrnirdiń barlyq kezeńderine qatysýdy jalǵastyryp, aimaqtaǵy avtosportty qoldaý men avtokólik mádenietin damytý jolyndaǵy bastamalaryn nyǵaitpaq.
