Chernogoriiada "Ne molchi" qorynyń negizin qalaýshy Dinara Smailovany ekstraditsiialaý boiynsha sot ótedi, dep habarlaidy Dalanews.kz.
Sot 5 maýsymda ótedi.
"Dinara Smailovany ekstraditsiialaý boiynsha sot otyrysy 5 maýsymda Astana ýaqytymen túski saǵat 12:00-de ótedi", - dedi qazaqstandyq quqyq qorǵaýshylar.
15 sáýirde Chernogoriiada Smailovaǵa bultartpaý sharasyn tańdaý boiynsha sot otyrysy ótti. Sol kezde ol bir túnge qamaýǵa alynyp, tańerteń bosatyldy. Sot ony qamaýǵa alýdan bas tartty.
Dinara Smaiylovanyń advokaty sot ekstraditsiialaý týraly sheshim shyǵarsa, onda zań boiynsha apelliatsiialyq shaǵym túsirýge bolatynyn aitty.
Eske salaiyq, buǵan deiin "NeMolchi.kz" qorynyń jetekshisi Dinara Smaiylovanyń (Dina Tańsári) Chernogoriiada ustalýyna bailanysty Bas prokýratýra málimdeme jasaǵan edi.
Tergeý organdarynyń málimetinshe, Dinara Smaiylovaǵa qarsy alty birdei qylmystyq is qozǵalǵan. Ol alaiaqtyq, jeke ómirge qolsuǵýshylyq jáne jalǵan aqparat taratý baptary boiynsha kúdikke ilindi.
Qazaqstan IIM Interpoly Smaiylovanyń Chernogoriiada júrgenin anyqtaǵan, sol sebepti Bas prokýratýra onyń ekstraditsiiasy boiynsha suraý joldaǵan.
