چەرنوگوريادا "نە مولچي" قورىنىڭ نەگىزىن قالاۋشى دينارا سمايلوۆانى ەكستراديسيالاۋ بويىنشا سوت وتەدى، دەپ حابارلايدى Dalanews.kz.
سوت 5 ماۋسىمدا وتەدى.
"دينارا سمايلوۆانى ەكستراديسيالاۋ بويىنشا سوت وتىرىسى 5 ماۋسىمدا استانا ۋاقىتىمەن تۇسكى ساعات 12:00-دە وتەدى"، - دەدى قازاقستاندىق قۇقىق قورعاۋشىلار.
15 ساۋىردە چەرنوگوريادا سمايلوۆاعا بۇلتارتپاۋ شاراسىن تاڭداۋ بويىنشا سوت وتىرىسى ءوتتى. سول كەزدە ول ءبىر تۇنگە قاماۋعا الىنىپ، تاڭەرتەڭ بوساتىلدى. سوت ونى قاماۋعا الۋدان باس تارتتى.
دينارا سمايىلوۆانىڭ ادۆوكاتى سوت ەكستراديسيالاۋ تۋرالى شەشىم شىعارسا، وندا زاڭ بويىنشا اپەللياسيالىق شاعىم تۇسىرۋگە بولاتىنىن ايتتى.
ەسكە سالايىق، بۇعان دەيىن "نەمولچي.kz" قورىنىڭ جەتەكشىسى دينارا سمايىلوۆانىڭ (دينا ءتاڭسارى) چەرنوگوريادا ۇستالۋىنا بايلانىستى باس پروكۋراتۋرا مالىمدەمە جاساعان ەدى.
تەرگەۋ ورگاندارىنىڭ مالىمەتىنشە، دينارا سمايىلوۆاعا قارسى التى بىردەي قىلمىستىق ءىس قوزعالعان. ول الاياقتىق، جەكە ومىرگە قولسۇعۋشىلىق جانە جالعان اقپارات تاراتۋ باپتارى بويىنشا كۇدىككە ءىلىندى.
قازاقستان ءىىم ينتەرپولى سمايىلوۆانىڭ چەرنوگوريادا جۇرگەنىن انىقتاعان، سول سەبەپتى باس پروكۋراتۋرا ونىڭ ەكستراديسياسى بويىنشا سۇراۋ جولداعان.
