Almaty tehnologıalyq ýnıversıtetinde jas dızaınerler men sángerlerdiń «Jas Órken – 2018» halyqaralyq baıqaýy bolyp ótti. Bul 2002 jyldan beri ózderin kıim dızaıny salasynda tanytyp júrgen jas dızaınerlerdiń uıymdastyrylyp otyrǵan altynshy baıqaýy.
– «Jas Órken – 2018» baıqaýyn uıymdastyrýshylar: «Baıqaýdyń negizgi maqsaty – stýdent jastardyń shyǵarmashylyq áleýetin damytý, dızaınerler úshin kásibı ortany qalyptastyrý, álemdik sán ındýstrıasynyń halyqaralyq yntymaqtastyq aımaǵyn qurý, – deıdi.
Basqa taǵylǵan múıiz, erkekterdiń tor shalbarlary, ulttyq naqyshta tigilgen kamýflájdy kóılekter sıaqty estetıkalyq jáne avtorlardyń ushqyn qıaldarynan týǵan tarıhı jáne zamanaýı úlgilerdi toptastyrǵan koleksıalar Qazaqstannyń maıtalman sángerleri – Botagóz Aldońǵarova, BıBota, Juldyzaı Jumataeva jáne Ekaterına Antonovanyń ádil baǵalaryna usynyldy.
Baıqaýdyń qorytyndysy boıynsha, fashion ındýstrıasynyń sheberleri eń jarqyn, kreatıvti 3 dızaınerdiń esimderimen qosa «Creative art», «Pret-a-Porte», «Debút», «Etno-fújn» nomınasıa ıegerlerin atady. Sonymen, 3-oryndy Reseıden kelgen qatysýshy Lúbov Zakırova «Anastasıa» koleksıasymen ıelendi. 2-oryn «Omirkul» koleksıasyn tanystyrǵan Almaty sán jáne dızaın kolejiniń stýdentteri Aqbópe Tileýhan men Marıa Golýbınskaıaǵa buıyrdy. Al baıqaý jeńimpazy óziniń «DNK» koleksıasymen tań qaldyrǵan ATÝ stýdenti Nurdáýlet Beketaev atandy.
Almaty memlekettik jańa tehnologıalar kolejinen kelgen Kamılla Voloh, Damır Baıchapanov jáne Indıra Ábdresheva «Same&different» atty koleksıalarymen erekshelenip, «Pret-a-Porte» nomınasıasynyń ıegerleri boldy. Olar múmkindigi shekteýli adamdarǵa arnalǵan kıim koleksıasyn usyndy.
– Biz múmkindikteri shekteýli adamdarǵa yńǵaıly kıinip jáne ózderin stıldi sezingenderin qaladyq. Olar basqa adamdarmen teń bolýy kerek. Osy maqsatta kıim dızaınyn jasaýdaǵy barlyq konstrýktıvti elementterdi qamtamasyz etýge tyrystyq , – deıdi avtorlar.
Aqtoty TURSYNÁLİ, ATÝ Medıa-ortalyǵynyń qyzmetkeri
https://dalanews.kz/8459
