Bilim jáne ǵylym mınıstri Erlan Saǵadıev muǵalimderdiń jalaqysyn kóterýdi qolǵa almaq eken.
Bul týraly QazAqparat habarlap otyr.
«Pedagogtardyń jalaqysy tym tómen ekendigimen kelisemin. Biz bul baǵytta jumys jasap jatyrmyz. Barlyq jańashyldyqtardy pedagogtarmen birge talqylaıtyn ádetimiz bar, sondyqtan qarjylyq máselelerdi de muǵalimdermen, Úkimetpen jáne Májilispen birge talqylaıtyn bolamyz. Biz 2017 jylǵy búdjette pedagogtardyń jalaqysyn kótere alamyz dep úmittenemin. Pedagog mamandyǵy ájeptáýir bedeldi bolady», - deıdi Saǵadıev.
Onyń sózinshe, jaqyn jyldary Qazaqstan úshin balabaqsha, mektep pen joǵary oqý oryndaryna qosymsha 200 myń pedagog qajet bolady. «Bul jyl saıyn jańa jumys ornyn ashatyn salaǵa aınalady», - deıdi mınıstr.
