Resei Federatsiiasynan asa iri mólsherde alaiaqtyq jasaǵan kúdikti ekstraditsiialandy, dep habarlaidy Dalanews.kz.
Qazaqstan Respýblikasy Bas prokýratýrasynyń suraý salýy boiynsha Resei Federatsiiasynan biýdjet qarajatyn asa iri mólsherde jymqyrdy degen kúdikke ilingen adam ekstraditsiialandy.
Tergeý barysynda ol qurylys kompaniiasynyń basshysy bola otyryp, 2020 jyldan 2022 jylǵa deiingi aralyqta adamdarmen aldyn ala sóz bailasý arqyly jalǵan sharttar jasasyp, affilirlengen kompaniialar arqyly aqsha aýdarý jolymen "Samuryq-Energo" AQ-nyń enshiles uiymynan 8,5 mlrd teńgeden asa biýdjet qarajatyn jymqyrǵany anyqtaldy.
"Bul qarajat Aqmola oblysynda jel elektr stantsiiasyn salýǵa arnalǵan bolatyn. Qylmys jasaǵannan keiin kúdikti jasyrynyp, oǵan halyqaralyq izdeý jariialanǵan. Biyl aqpanda ol Resei Federatsiiasy aýmaǵynda ustalyp, Qazaqstan Respýblikasy Bas prokýratýrasynyń suraý salýy boiynsha ony ekstraditsiialaý týraly sheshim qabyldandy", - dep jazylǵan prokýratýra habarlamasynda.
Qazir kúdikti tergeý izoliatoryna qamaldy.
