Qarjylyq monitoring agenttiginiń Qaraǵandy oblysy boiynsha departamenti "Eńbek" RMM filialynyń burynǵy basshylaryna qatysty asa iri kólemde biýdjet qarajatyn jymqyrý faktisi boiynsha tergeý júrgizýde, dep habarlaidy Dalanews.kz.
2021-2023 jyldary RMM jáne onyń aimaqtyq filialy "bir kózden satyp alý" ádisimen kiim jáne aiaq-kiim óndirisine arnalǵan bylǵary jáne trikotaj shikizatyn jetkizýge 23 kelisim-shart jasaǵan.
"Alaida, taýarlar jetkizilmegen, osylaisha 449 mln teńge biýdjet qarajaty urlanǵan. Qylmystyq kiristi zańdastyrý maqsatynda kúdiktiler zańmen belgilengen aqshany qolma-qol ainaldyrý shegin ainalyp ótip, kásibi aqsha jylystatýshynyń qyzmetin paidalanǵan", delingen atalǵan agenttik habarlamasynda.
Ol aqshany bólip, óziniń baqylaýyndaǵy 4 jeke kásipkerdiń atynan kiim jáne aiaq-kiim tigýge arnalǵan taýar jetkizý týraly jalǵan kelisimder jasaǵan.
Atalǵan kelisimder men tólem qujattary negizinde 122 mln teńge qarajat qolma qol aqshaǵa ainalǵan.
Qylmystyq tabystarǵa Almaty qalasynan jeke úi men "BMW X6" avtokóligi satyp alynǵan, olardy yqtimal tárkileýden jasyrý úshin senimdi tulǵalarǵa resimdegen. Atalǵan múlikke sottyń sanktsiiasymen buǵattaldy.
Kúdiktiler 2 aiǵa qamaýǵa alyndy.
Qylmystyq is júrgizý kodeksiniń 201-babyna sáikes basqa aqparat jariialanbaidy.
