Bishimbaevtyń inisi Baqytjan Baijanov amnistiiaǵa ilikti, dep habarlaidy Dalanews.kz.
Stepnogorsk qalalyq soty Bahytjan Baijanovtyń amnistiiaǵa iligý týraly ótinishin qanaǵattandyrdy. Ol bul ótinishin Qazaqstan Konstitýtsiiasynyń 30 jyldyǵyna orai jazǵan.
Sot otyrysynda koloniia ókili sottalǵan azamattyń tártibi jaqsy ekenin, marapattary men oń minezdemesi baryn atap ótti.
Baijanov jazasynyń eki jylǵa jýyǵyn ótep úlgergen. Sot sheshimimen onyń merzimi 8 ai 8 kúnge qysqartyldy. Endi ol qamaýda taǵy 1 jyl 4 ai 17 kún otyrady.
Baijanov Saltanat Núkenovanyń ólimine qatysty asa aýyr qylmysty – adam óltirýdi – aldyn ala ýaǵdalaspai jasyryp qalǵany úshin kináli dep tanylyp, 4 jylǵa bas bostandyǵynan aiyrylǵan edi.
Amnistiia týraly zańǵa sáikes, osy sanattaǵy qylmyspen sottalǵandarǵa jaza merzimin 1/5 bólikke qysqartý qarastyrylǵan. Bul shamamen 9 aiǵa teń.
Bahytjan Baijanov 2023 jyldyń 11 qarashasynan beri qamaýda otyr. Al úkim 2024 jyldyń 26 maýsymynda zańdy kúshine endi. Osy eki aralyqtaǵy ýaqyt bir jarym kún retinde esepteledi.
