بيشىمبايەۆتىڭ ءىنىسى باقىتجان بايجانوۆ امنيستياعا ىلىكتى، دەپ حابارلايدى Dalanews.kz.
ستەپنوگورسك قالالىق سوتى باحىتجان بايجانوۆتىڭ امنيستياعا ىلىگۋ تۋرالى ءوتىنىشىن قاناعاتتاندىردى. ول بۇل ءوتىنىشىن قازاقستان كونستيتۋسياسىنىڭ 30 جىلدىعىنا وراي جازعان.
سوت وتىرىسىندا كولونيا وكىلى سوتتالعان ازاماتتىڭ ءتارتىبى جاقسى ەكەنىن، ماراپاتتارى مەن وڭ مىنەزدەمەسى بارىن اتاپ ءوتتى.
بايجانوۆ جازاسىنىڭ ەكى جىلعا جۋىعىن وتەپ ۇلگەرگەن. سوت شەشىمىمەن ونىڭ مەرزىمى 8 اي 8 كۇنگە قىسقارتىلدى. ەندى ول قاماۋدا تاعى 1 جىل 4 اي 17 كۇن وتىرادى.
بايجانوۆ سالتانات نۇكەنوۆانىڭ ولىمىنە قاتىستى اسا اۋىر قىلمىستى – ادام ءولتىرۋدى – الدىن الا ۋاعدالاسپاي جاسىرىپ قالعانى ءۇشىن كىنالى دەپ تانىلىپ، 4 جىلعا باس بوستاندىعىنان ايىرىلعان ەدى.
امنيستيا تۋرالى زاڭعا سايكەس، وسى ساناتتاعى قىلمىسپەن سوتتالعاندارعا جازا مەرزىمىن 1/5 بولىككە قىسقارتۋ قاراستىرىلعان. بۇل شامامەن 9 ايعا تەڭ.
باحىتجان بايجانوۆ 2023 جىلدىڭ 11 قاراشاسىنان بەرى قاماۋدا وتىر. ال ۇكىم 2024 جىلدىڭ 26 ماۋسىمىندا زاڭدى كۇشىنە ەندى. وسى ەكى ارالىقتاعى ۋاقىت ءبىر جارىم كۇن رەتىندە ەسەپتەلەدى.
