Keshe azamattyq nekedegi áieli Saltanat Núkenovany óltirdi dep aiyptalǵan eks-ministr Qýandyq Bishimbaevqa sot úkimi shyqty. Bishimbaevtyń burynǵy áieli Nazym Qaharman sot úkimine qatysty pikir bildirdi, - dep habarlaidy Dalanews.kz.
Nazym Qaharman men Qýandyq Bishimbaev 14 jyl otasqan, resmi nekede bolǵan. Olardyń 3 balasy bar. Erli-zaiypty 2020 jyly, eks-ministr burynǵy qylmystyq isi boiynsha koloniiadan bosaǵannan keiin bir jyl ótken soń ajyrasqan.
Nazym Qaharmannyń aitýynsha, bul jait olarǵa ońai timegen.
"Bir jaǵynan áiel retinde, osy eldiń azamaty retinde ashyq sotty qoldadym, óitkeni bul protsesti qoǵamnyń saýyǵýy men terapiiasyna qadam retinde qabyldaimyn. Ekinshi jaǵynan, sot balalar men maǵan kúizelis bolyp tidi, óitkeni onda adamshoshyrlyq mán-jailar belgili boldy. Balalar muny qabyldap, ári qarai da ómir súrýi kerek. Álemdegi birde-bir balaǵa muny tilemeimin. Sondyqtan bári aiaqtalǵanyna jeńildep qaldyq", - dedi Nazym Qaharman Tengrinews.kz-ke.
Ol Núkenovtar otbasyna taǵy da kóńil aitty.
"Meniń oiymsha, alqabiler soty istiń barlyq ashyq jáne jabyq materialyn qarap, sanaly jáne durys sheshim qabyldady", - dedi ol Tengrinews.kz-ke.
Aita keteiik, Astana qalasynyń mamandandyrylǵan aýdanaralyq sotynda Qýandyq Bishimbaevqa qatysty qylmystyq is boiynsha birneshe sot otyrysy ótti. Ony dúiim jurt Joǵarǵy sottyń YouTube arnasynan onlain qarady.
Azamattyq nekedegi áieli Saltanat Núkenovany óltirdi degen aiyppen sottalyp jatqan eks-ministr Qýandyq Bishimbaevty advokat Leila Ramazanova, Nazken Qusaiynova, Erlan Ǵazymjanovtar qorǵady.
Al marqum Saltanat Núkenovanyń aǵasy Aitbek Amangeldi men onyń otbasynyń advokattary – Janna Orazbahova men Áliia Omarova, Igor Vranchev.
27 naýryzda eks-ministr Qýandyq Bishimbaevtyń isi boiynsha alqabiler tańdalǵan edi. Alqabiler alqasyna 12 adam irikteldi: 10 – negizgi quram, 2 – qosalqy. Sodan keiin ashyq sot otyrystary bastaldy. Al Qýandyq Bishimbaev sotta Saltanat Núkenovany asa qatygezdikpen óltirgenin moiyndamady. Bul oqiǵa 2023 jyly 9 qarashada Astana qalasyndaǵy BAU meiramhanasynda boldy.
Bishimbaevqa eki bap boiynsha aiyp taǵyldy:
- asa qatygezdikpen kisi óltirý (15 jyldan 20 jylǵa deiin nemese ómir boiyna bas bostandyǵynan aiyrý);
- azaptaý (4 jyldan 7 jylǵa deiin bas bostandyǵyn shekteý nemese osy merzimge bas bostandyǵynan aiyrý).
