Qýandyq Bishimbaevtyń anasy taǵy bir zańgerdiń ústinen aryz túsirgen. Anna Chernova áleýmettik jelide ózine qatysty shaǵym túskenin málimdedi, - dep habarlaidy Dalanews.kz.
Onyń sózinshe, aryzdy Bishimbaevtyń anasy túsirgenimen, munyń artynda basqa bireý tur.
"Meniń ústimnen jańa shaǵym tústi. Aryzda meniń eki zańger áriptesim bar. Bul joly jazbalarym Bishimbaevtyń qorǵaýshylaryna aýyr tigen bolýy kerek. Anasy jazǵan, alaida maǵan basqa bireý renjigendei kórinip tur. Ol protsessýaldyq álsizdigin sezinetin adam bolsa kerek.
Men óz jazbalarymmen jaqsy advokattyń kásibi qabiletine tosqaýyl bola almaimyn jáne eshqandai áser ete almaimyn. Halyq aqymaq emes qoi, bárin ózderi kórip otyr. Jurttyń bári aldymen olardyń Erǵalievamen masqara suhbatyn kórdi, endi ony istiń naqty jaǵdailarymen salystyryp otyr.
Olardy sol jerde tilinen tartqan joqpyz ǵoi, durys pa? Endi protsestiń bárin tikelei efirden kórip otyrmyz, – dep jazdy Anna Chernova áleýmettik jelide.
Zańger advokat emes ekenin de málimdedi.
"Men advokat emespin jáne qalalyq advokattar alqasyna da múshe emespin. Sondyqtan, menińshe, olardyń aqymaqtyqtary úshin bizdi kinálaýdyń jóni joq", - dedi ol.
Aita keteiik, buǵan deiin advokat Djohar Ótebekov te Qýandyq Bishimbaevtyń anasy Almira Nurlybekova óziniń ústinen Qazaqstannyń advokattar alqasyna shaǵym túsirgenin málimdedi.
"Bishimbaevtyń anasy meniń ústimnen aryz jazdy! Ol advokattarynyń suraqtaryna syn aitqanyma shaǵymdanǵan. Al shyn máninde olardy búkil el synap jatyr! Olar jaqsylyq pen zulymdyqtan asyp túsedi, zań men moraldan alshaq. Biraq Bishimbaevtar menen ǵana kiná taýypty. Bishimbaevtyń anasy meniń áleýmettik jelidegi jazbalaryma pikir jazýshylardy baqylamaitynymdy aitqan. Sodan keiin Bishimbaevtar meniń ústimnen jazǵan negizgi shaǵymǵa kósheiin: "Men sýdianyń áreketin synaǵan ekenmin"! Bishimbaevtar sýdia Qulbaevany nege sonsha qorǵap otyr? Olar oǵan nege sonsha jabysyp alǵan?" - dep jazdy Djohar Ótebekov.
Advokat sot otyrysynda qorǵaýshy tarap qaza tapqan Saltanattyń jábirlenýshi aǵasyna qandai suraqtar qoiǵanyn eske aldy:
- Siz qaryndasyńyzdyń miynda tesik bar ekenin kórdińiz be jáne onyń kózi aǵyp ketken be?
- Er adamdarmen qarym-qatynasta Saltanat basym boldy ma?
- Siz nege Saltanattyń basynan teýip, judyryqpen urmadyńyz?
Bishimbaevtyń anasynyń jazýynsha, Ótebekov jariialaǵan jazbalarda aiyptalýshynyń otbasyn, advokattaryn synǵa alǵan.
"Bul advokattyń jazbalary bizdiń advokattarymyzǵa, otbasymyzǵa óshpendilik, qarǵys jáne qorlaý týdyrady. Sondai-aq, ol sýdianyń áreketin synǵa alyp, ony meniń balamnyń qorǵaýshylaryna qarsy baǵyttaýǵa tyrysty, sottan janama túrde aiyptaýdy talap etti. (...) Osy advokatqa tártiptik shara qoldanýdy suraimyn", - dep shaǵym túsirgen Almira Nurlybekova.
Aita keteiik, Bishimbaevtyń soty ashyq túrde ótip jatyr. Sot protsesin kópshilik tikelei efirde kórip otyr.
Al qazaqstandyqtar áleýmettik jelilerde azappen qaza tapqan Saltanat Núkenovanyń otbasyn qoldaýǵa arnalǵan aktsiialar men fleshmobtar ótkizip, petitsiialar jazyp jatyr.
