قۋاندىق بيشىمبايەۆتىڭ اناسى تاعى ءبىر زاڭگەردىڭ ۇستىنەن ارىز تۇسىرگەن. اننا چەرنوۆا الەۋمەتتىك جەلىدە وزىنە قاتىستى شاعىم تۇسكەنىن مالىمدەدى، - دەپ حابارلايدى Dalanews.kz.
ونىڭ سوزىنشە، ارىزدى بيشىمبايەۆتىڭ اناسى تۇسىرگەنىمەن، مۇنىڭ ارتىندا باسقا بىرەۋ تۇر.
"مەنىڭ ۇستىمنەن جاڭا شاعىم ءتۇستى. ارىزدا مەنىڭ ەكى زاڭگەر ارىپتەسىم بار. بۇل جولى جازبالارىم بيشىمبايەۆتىڭ قورعاۋشىلارىنا اۋىر تيگەن بولۋى كەرەك. اناسى جازعان، الايدا ماعان باسقا بىرەۋ رەنجىگەندەي كورىنىپ تۇر. ول پروسەسسۋالدىق السىزدىگىن سەزىنەتىن ادام بولسا كەرەك.
مەن ءوز جازبالارىممەن جاقسى ادۆوكاتتىڭ كاسىبي قابىلەتىنە توسقاۋىل بولا المايمىن جانە ەشقانداي اسەر ەتە المايمىن. حالىق اقىماق ەمەس قوي، ءبارىن وزدەرى كورىپ وتىر. جۇرتتىڭ ءبارى الدىمەن ولاردىڭ ەرعالييەۆامەن ماسقارا سۇحباتىن كوردى، ەندى ونى ءىستىڭ ناقتى جاعدايلارىمەن سالىستىرىپ وتىر.
ولاردى سول جەردە تىلىنەن تارتقان جوقپىز عوي، دۇرىس پا؟ ەندى پروسەستىڭ ءبارىن تىكەلەي ەفيردەن كورىپ وتىرمىز، – دەپ جازدى اننا چەرنوۆا الەۋمەتتىك جەلىدە.
زاڭگەر ادۆوكات ەمەس ەكەنىن دە مالىمدەدى.
"مەن ادۆوكات ەمەسپىن جانە قالالىق ادۆوكاتتار القاسىنا دا مۇشە ەمەسپىن. سوندىقتان، مەنىڭشە، ولاردىڭ اقىماقتىقتارى ءۇشىن ءبىزدى كىنالاۋدىڭ ءجونى جوق"، - دەدى ول.
ايتا كەتەيىك، بۇعان دەيىن ادۆوكات دجوحار وتەبەكوۆ تە قۋاندىق بيشىمبايەۆتىڭ اناسى الميرا نۇرلىبەكوۆا ءوزىنىڭ ۇستىنەن قازاقستاننىڭ ادۆوكاتتار القاسىنا شاعىم تۇسىرگەنىن مالىمدەدى.
"بيشىمبايەۆتىڭ اناسى مەنىڭ ۇستىمنەن ارىز جازدى! ول ادۆوكاتتارىنىڭ سۇراقتارىنا سىن ايتقانىما شاعىمدانعان. ال شىن مانىندە ولاردى بۇكىل ەل سىناپ جاتىر! ولار جاقسىلىق پەن زۇلىمدىقتان اسىپ تۇسەدى، زاڭ مەن مورالدان الشاق. ءبىراق بيشىمبايەۆتار مەنەن عانا كىنا تاۋىپتى. بيشىمبايەۆتىڭ اناسى مەنىڭ الەۋمەتتىك جەلىدەگى جازبالارىما پىكىر جازۋشىلاردى باقىلامايتىنىمدى ايتقان. سودان كەيىن بيشىمبايەۆتار مەنىڭ ۇستىمنەن جازعان نەگىزگى شاعىمعا كوشەيىن: "مەن سۋديانىڭ ارەكەتىن سىناعان ەكەنمىن"! بيشىمبايەۆتار سۋديا قۇلبايەۆانى نەگە سونشا قورعاپ وتىر؟ ولار وعان نەگە سونشا جابىسىپ العان؟" - دەپ جازدى دجوحار وتەبەكوۆ.
ادۆوكات سوت وتىرىسىندا قورعاۋشى تاراپ قازا تاپقان سالتاناتتىڭ جابىرلەنۋشى اعاسىنا قانداي سۇراقتار قويعانىن ەسكە الدى:
- ءسىز قارىنداسىڭىزدىڭ ميىندا تەسىك بار ەكەنىن كوردىڭىز بە جانە ونىڭ كوزى اعىپ كەتكەن بە؟
- ەر ادامدارمەن قارىم-قاتىناستا سالتانات باسىم بولدى ما؟
- ءسىز نەگە سالتاناتتىڭ باسىنان تەۋىپ، جۇدىرىقپەن ۇرمادىڭىز؟
بيشىمبايەۆتىڭ اناسىنىڭ جازۋىنشا، وتەبەكوۆ جاريالاعان جازبالاردا ايىپتالۋشىنىڭ وتباسىن، ادۆوكاتتارىن سىنعا العان.
"بۇل ادۆوكاتتىڭ جازبالارى ءبىزدىڭ ادۆوكاتتارىمىزعا، وتباسىمىزعا وشپەندىلىك، قارعىس جانە قورلاۋ تۋدىرادى. سونداي-اق، ول سۋديانىڭ ارەكەتىن سىنعا الىپ، ونى مەنىڭ بالامنىڭ قورعاۋشىلارىنا قارسى باعىتتاۋعا تىرىستى، سوتتان جاناما تۇردە ايىپتاۋدى تالاپ ەتتى. (...) وسى ادۆوكاتقا تارتىپتىك شارا قولدانۋدى سۇرايمىن"، - دەپ شاعىم تۇسىرگەن الميرا نۇرلىبەكوۆا.
ايتا كەتەيىك، بيشىمبايەۆتىڭ سوتى اشىق تۇردە ءوتىپ جاتىر. سوت پروسەسىن كوپشىلىك تىكەلەي ەفيردە كورىپ وتىر.
ال قازاقستاندىقتار الەۋمەتتىك جەلىلەردە ازاپپەن قازا تاپقان سالتانات نۇكەنوۆانىڭ وتباسىن قولداۋعا ارنالعان اكسيالار مەن فلەشموبتار وتكىزىپ، پەتيسيالار جازىپ جاتىر.
