Burynǵy ulttyq ekonomıka mınıstri Qýandyq Bıshimbaevqa qatysty alǵashqy sot otyrysy 11 naýryzda ótedi. Bul týraly aqparat Sot kabınetinde paıda boldy, - dep habarlaıdy Dalanews.kz.

Buǵan deıin Bıshimbaevqa qatysty qylmystyq is materıaldary sotqa berilgeni belgili boldy. Sondaı-aq, osy is boıynsha taǵy bir qatysýshy bar.

Aıta keteıik, byltyr 9 qarashada eks-mınıstr Qýandyq Bıshimbaev ustaldy. Sol kúni saǵat 19:54-te astanalyq jedel medısınalyq qyzmet kórsetý stansıasy púltine qońyraý túsken. Jedel járdem brıgadasy jetkende 1992 jyly týǵan áıel qaza bolǵany rastaldy. Keıin marqum 31 jastaǵy Saltanat Núkenova ekeni belgili boldy. Ol - Qýandyq Bıshimbaevtyń áıeli.

Al 11 qarashada Bıshimbaev ýaqytsha ustaý ızolátoryna qamaýǵa alyndy.

Qazir osy iske qatysty aqparattyq qaqtyǵys júrip jatyr.  Buǵan deıin jýrnalıs Syrym Itqulov burynǵy mınıstr Ermuhamet Ertisbaevty Bıshimbaevty qoldaýǵa qatysy bar adamdardyń biri ekenin aıtqan edi. 

"Qýandyqtyń ákesi Ýálıhan Bıshimbaevtyń ulyn qorǵashtap, qoǵamdaǵy pikirge áser etýge tyrysqan vıdeosy esterińizde me? Ol jýrnalıser men blogerlerdiń úsitnen ózin, ulyn, olardyń otbasyn kópshilik aldynda qorlaǵany úshin aryz jazdy.

Al buqaraǵa ún qatý úshin oǵan Nazarbaevtyń bulbuly - Ermuhamet Ertisbaevtan basqa eshkim múmkindik bergen joq.

Ýálıhan Bıshimbaev ta sol sıaqty, ómir boıy "eski qazaqstandyq". Ýnıversıtetti basqaratyn qatardaǵy rektor retinde esepsiz baılyq jınady. Olar qandaı joldarmen "tabylǵany" túsinikti, sonyń arqasynda jubaıy uzaq jyl boıy tabysty bıznesti basqardy.

Kópshilik Qýandyq Bıshimbaevtyń ózi de sybaılas jemqorlyq úshin otyrǵanyn umytyp ketti, biraq týystarynyń yqpaldy baılanystarynyń arqasynda ol merziminen buryn bostandyqqa shyqty", - dedi Itqulov.

Bala quqyqtary jónindegi ýákil Dınara Zákıeva da osy is boıynsha dabyl qaǵyp, Bıshimbaevty aqtaıtyndarǵa tańy bar ekenin jazdy.