Jelide eks-mınıstr Qýandyq Bıshimbaev ızolátorda otyryp tóbeles shyǵarǵany týraly aqparat taraǵan edi. Aqparatqa QAJK ókilderi jaýap berdi, - dep habarlaıdy Dalanews.kz.
"Bul aqparat shyndyqqa sáıkes kelmeıdi. Qylmystyq-atqarý júıesi komıteti jalǵan aqparat taratqany úshin jaýapkershilik týraly eskertedi", - dep jazylǵan habarlamada.
Buǵan deıin Bıshimbaevtyń advokaty Leıla Ramazanova da bul jalǵan aqparat ekenin málimdedi. Qoǵamdyq qorǵaýshy Baýyrjan Mýsın de bul aqparatty teriske shyǵardy.
"Qazir ǵana QAJD basshysyna habarlastym, ol mundaı jaǵdaı tirkelmegenin aıtty", - dedi ol.
Sonymen qatar, advokattyń sózinshe, apelásıa sheshimi kúshine engennen keıin Bıshimbaev "Arshaly" kolonıasyna aýystyrýy múmkin.
Eske salaıyq, 26 maýsymda Qýandyq Bıshimbaev pen Baqytjan Baıjanovqa qatysty qylmystyq istiń apelásıalyq sot otyrysy bolǵan edi. Alaıda olardyń apelásıalyq ótinishi qanaǵattandyrylmady.
Qýandyq Bıshimbaev 24 jylǵa, inisi Baqytjan Baıjanov 4 jylǵa sottalǵan bolatyn.
