جەلىدە ەكس-مينيستر قۋاندىق بيشىمبايەۆ يزولياتوردا وتىرىپ توبەلەس شىعارعانى تۋرالى اقپارات تاراعان ەدى. اقپاراتقا قاجك وكىلدەرى جاۋاپ بەردى، - دەپ حابارلايدى Dalanews.kz.
"بۇل اقپارات شىندىققا سايكەس كەلمەيدى. قىلمىستىق-اتقارۋ جۇيەسى كوميتەتى جالعان اقپارات تاراتقانى ءۇشىن جاۋاپكەرشىلىك تۋرالى ەسكەرتەدى"، - دەپ جازىلعان حابارلامادا.
بۇعان دەيىن بيشىمبايەۆتىڭ ادۆوكاتى لەيلا رامازانوۆا دا بۇل جالعان اقپارات ەكەنىن مالىمدەدى. قوعامدىق قورعاۋشى باۋىرجان مۋسين دە بۇل اقپاراتتى تەرىسكە شىعاردى.
"ءقازىر عانا قاجد باسشىسىنا حابارلاستىم، ول مۇنداي جاعداي تىركەلمەگەنىن ايتتى"، - دەدى ول.
سونىمەن قاتار، ادۆوكاتتىڭ سوزىنشە، اپەللياسيا شەشىمى كۇشىنە ەنگەننەن كەيىن بيشىمبايەۆ "ارشالى" كولونياسىنا اۋىستىرۋى مۇمكىن.
ەسكە سالايىق، 26 ماۋسىمدا قۋاندىق بيشىمبايەۆ پەن باقىتجان بايجانوۆقا قاتىستى قىلمىستىق ءىستىڭ اپەللياسيالىق سوت وتىرىسى بولعان ەدى. الايدا ولاردىڭ اپەللياسيالىق ءوتىنىشى قاناعاتتاندىرىلمادى.
قۋاندىق بيشىمبايەۆ 24 جىلعا، ءىنىسى باقىتجان بايجانوۆ 4 جىلعا سوتتالعان بولاتىن.
