Qýandyq Bishimbaev qaiǵyly oqiǵa bolǵan túni Saltanatty ne úshin videoǵa túsirgenin túsindirdi, - dep habarlaidy Dalanews.kz.
Sýdia Aijan Qulbaeva Bishimbaevtan videolardy ne úshin túsirgenin surady.
"Bul videolardy qalai da áser etý úshin túsirgen joqpyn. Shynymdy aitsam nege olai istegenimdi túsindire almaimyn. Meni qalai qorlasa, ony da solai qorlaǵym keldi", - deidi Bishimbaev.
Eske salaiyq,búgingi sot otyrysynda Bishimbaevtyń telefonynan beiádep sózder estiletin videolar kórsetile bastaǵan bolatyn.
Sot otyrysy barysynda sýdia Aijan Qulbaeva Bishimbaevtyń uialy telefonynan sýretter men videolardy qarady. Onyń sózinshe, videolardaǵy ýaqyt 8-9 qarasha kúnderi dep kórsetilgen.
"Eshqandai dárethana joq. Izde", - deidi videodaǵy daýystyń birinde Bishimbaev Núkenovaǵa.
Sýdia videolardy qaraý barysynda Bishimbaevtan Núkenova edennen ne izdegenin surady. Sonymen qatar, Aijan Qulbaevanyń aitýynsha, videolardyń bárinde kiimsiz, tek qara plash kigen Núkenova kórinedi.
Bishimbaevtyń uialy telefonyndaǵy videoda onyń Núkenovany burynǵy qarym-qatynasy úshin aiyptaǵany, bylapyt sózder aitqany da estiledi.
Ol áielin balaǵattap, qaita-qaita "Raiymbek Batalovpen tósektes boldyń ba?" dep suraqtyń astyna alǵan.
Degenmen sot otyrysynda Bishimbaev munyń birde-birin moiyndamady.
"Bul qandai da bir montaj, telefondy ashyp alyp, júktep qoiǵan bolýy múmkin", - dep jaltardy ol.
Jábirlenýshi tarapqa bul videolardy qaramaýǵa keńes berildi.
Aita keteiik, buǵan deiin Qýandyq Bishimbaevtyń uialy telefonyn Ulttyq qaýipsizdik komitetiniń qyzmetkerleri de asha almai qoiǵany belgili boldy. Óitkeni buǵan deiingi sot otyrystarynda onyń telefony zerttelmedi.
Bul týraly sot otyrysynda sýdia Aijan Qulbaeva aitty. Onyń sózinshe, Bishimbaevtyń telefonyn Ulttyq qaýipsizdik komitetiniń tehnikalyq mamandary asha almai qoiǵan.
