Qýandyq Bıshimbaev qatań rejımdegi kolonıaǵa jetkizildi, - dep habarlaıdy Dalanews.kz. 

"Sottalýshy sot úkimi boıynsha qatań rejımdegi mekemege aýystyryldy. Sonymen qatar, qylmystyq-atqarý kodeksiniń 88 - babyna sáıkes sottalǵandar tirkeýge sáıkes jazasyn óteý oryndaryna jiberiletinin habarlaımyz", - delingen QAJD habarlamasynda.

Kodekske sáıkes ózge de aqparat jarıa etýge jatpaıdy.

Eske salaıyq, buǵan deıin İshki ister mınıstrligi eks-mınıstr Qýandyq Bıshimbaev kolonıada qandaı jumys isteı alatynyn aıtty.

Bul týraly İİM qylmystyq-atqarý júıesi komıtetiniń tóraǵasy, ádilet polkovnıgi Teńizjan Jánibekov aıtty. 

"Birinshiden, Bıshimbaev áli tergeý ızolátorynda. Ekinshiden, onyń jumys isteýine qatysty: óndiristik aımaqtarda túrli jumys bar. Ol "Eńbek" Respýblıkalyq memlekettik kásiporynda mysaly aǵash, metal óńdeý salasyna jumysqa ornalasa alady. Qaı jerde bos oryn bolsa sol jerge bara alady.  

Bul máseleni jumyspen qamtý bólimi sheshedi, kelgennen keıin 15 kún karantınde bolady. Biz ony zertteımiz, odan ári tárbıe jumysy júrgiziledi. Psıhologtar basqa tutqyndarmen jumys istegendeı Bıshimbaev pen de jumys isteıdi", - deıdi Jánibekov. 

Eske salaıyq, 26 maýsymda Qýandyq Bıshimbaev pen Baqytjan Baıjanovqa qatysty qylmystyq istiń apelásıalyq sot otyrysy bolǵan edi. Alaıda olardyń apelásıalyq ótinishi qanaǵattandyrylmady.

Qýandyq Bıshimbaev 24 jylǵa, inisi Baqytjan Baıjanov 4 jylǵa sottalǵan bolatyn.