QR Joǵary soty Bishimbaev pen Baijanovtyń apelliatsiialyq sotyna qatysty málimdeme jasady, - dep habarlaidy Dalanews.kz.
Sot málimetinshe, Q.Bishimbaev pen B.Baijanovqa qatysty qylmystyq is apelliatsiialyq satyǵa túsken.
"Sýdianyń 11 maýsymdaǵy qaýlysymen isti qaraý 2024 jylǵy 26 maýsymǵa saǵat 10.00-ge belgilendi. Joǵarǵy sot qoǵamnyń sot protsesine qyzyǵýshylyǵynyń artqanyn eskere otyryp, apelliatsiialyq satydaǵy sot otyrystarynyń onlain transliatsiiasyn jalǵastyrý týraly sheshim qabyldady. Sot otyrystary tikelei efirde ótedi", - dep jazylǵan málimette.
Buǵan deiin Májiliste Joǵarǵy sottyń qylmystyq ister jónindegi sot alqasynyń tóraǵasy Nazgúl Rahmetýllina bul shaǵym qansha ýaqytqa deiin qaralýy múmkin ekenin aitty.
Májilis kýlýarynda Joǵarǵy sot ókili sotqa alqabiler qatyssa da sottalýshylar shaǵymdana alatynyn málimdedi.
"Alqabilerdiń qatysýymen shyǵarylǵan úkimge taraptar shaǵymdana alady. Ol úshin apelliatsiialyq saty bar. Kelispese, shaǵymdanýǵa quqyly", - dedi sot alqasynyń tóraǵasy.
Rahmetýllinanyń sózinshe, apelliatsiia bir ai ishinde qaralady. Biraq buǵan keibir jaittar áser etýi múmkin.
"Apelliatsiialyq organdar qaraýǵa úlgermei jatqan jaǵdailarda uzarýy múmkin. Mysaly, advokattar belgili bir kúnderi qatysa alady jáne t.b. Zań boiynsha sottalǵandardyń apelliatsiialyq satydaǵy sotqa qatysýy sot tergeýi qaitadan júrgizilgen kezde mindetti sanalady. Iaǵni, keibir qosymsha dáleldemelerdi zerttegende ǵana, basqa jaǵdailarda sottalýshynyń qatysýy qajet ekenin nemese qajet emes ekenin apelliatsiialyq organ ózi sheshedi", - dedi ol.
Aita keteiik, Bishimbaev 24 jylǵa, Baijanov 4 jylǵa sottalǵan edi.
