Áielin óltirdi degen aiyp taǵylyp otyrǵan eks-ministr Qýandyq Bishimbaevtyń isi boiynsha sot otyrysy jalǵasyp jatyr. Joǵarǵy sózdiń baspasóz qyzmeti endigi ashyq sot otyrystary onlain kórsetiletinin jariia etti, - dep habarlaidy Dalanews.kz.
"Qýandyq Bishimbaevqa qatysty sot protsesine qoǵamnyń joǵary qyzyǵýshylyǵyn eskere otyryp, osy is boiynsha ashyq sot otyrystarynyń onlain-transliatsiiasyn uiymdastyrý týraly sheshim qabyldandy", - dep jazylǵan habarlamada.
Búgin Astana qalasynyń qylmystyq ister jónindegi mamandandyrylǵan aýdanaralyq sotynda Qýandyq Bishimbaevtyń isi boiynsha alqabige kandidattardy irikteý úshin jabyq sot otyrysy ótedi.
Otyrysta 12 adamnan turatyn (10 negizgi, 2 qosalqy) alqabiler alqasy qalyptastyrylady. Irikteý alqabilerdiń jeke basyn jariia etý múmkindigin boldyrmaý úshin jabyq sot otyrysynda ótedi.
Aita keteiik, byltyr Qýandyq Bishimbaev áielin uryp óltirdi degen kúdikpen qamaýǵa alyndy. Qazir sot otyrysy ótip jatyr. Burynǵy ulttyq ekonomika ministri Qýandyq Bishimbaevtyń bul birinshi qylmystyq isi emes.
Ol 2018 jylǵy naýryzda 10 jylǵa bas bostandyǵynan aiyrylǵan bolatyn. Burynǵy sheneýnik para alý jáne aqsha jymqyrý isterinde aiypty dep tanylǵan edi. Bishimbaevtyń sot isi tórt aidan asa ýaqytqa sozyldy. Onymen birge bul iste 22 adam sotqa tartylǵan edi. Olar "Báiterek DEVELOPMENT" AQ eks-qyzmetkerleri, kásipkerler jáne qurylys kompaniialarynyń ókilderi boldy. Eks-sheneýnik 10 jylǵa sottalsa da, týra 19 ai ótkende bostandyqqa shyqty.
Buǵan deiin Abzal Quspan onyń bulai erte bosap shyǵýynyń qandai qupiiasy bar ekenin aitty.
"Merziminen buryn bosatýdyń eki formasy bar, birinshisi - merziminen buryn bosatý, ekinshisi - jeńil jazaǵa aýystyrý. Osy eki dúnie sybailas jemqorlyq sipatyndaǵy qylmystyq isterge qatysty qoldanylmaidy. Prezident janyndaǵy komissiia áli bar, dál qazir qalai jumys istep jatqanyn bilmeimin. Eks-prezidenttiń tusynda ol qatty jumys jasady.
Sottar myna jaqtan kinásin dáleldep, aq ter, kók ter bolyp, isti qylyp, adamdy sottaidy. Ol kezde Nazarbaevtan keshirim suraǵan sheneýnikter shyǵyp ketetin edi. Keshirim suramaǵan adamdar Ekspoǵa qatysty sottalǵan Ermegiiaev siiaqty áli kúnge jazasyn ótep jatyr.
Odan da zor qylmys jasaǵan adamdar búgin keshirim surap, ertesi kúni bosap ketken jaiy bar. Sondyqtan Bishimbaev merziminen buryn bosap shyqqan joq, prezidentten keshirim surap, prezidenttiń janyndaǵy komissiia arqyly bosap shyqty", - dep túsindirdi zańger Usbanov ARNASY-na bergen suhbatynda.
