Qýandyq Bishimbaevtyń isinde soqqy izderin dáleldegen sot-meditsinalyq sarapshy Tahir Halimnazarov Sherzat Polattyń ólimine bailanysty ótip jatqan sot protsesinde sarapshy retinde sóz sóilep jatyr, dep habarlaidy Dalanews.kz.
Jábirlenýshi taraptyń ókilderi Tahir Halimnazarovty sot otyrysyna arnaiy shaqyrǵan. Qazirgi ýaqytta sarapshy sotta kýálik etýin bastap ketti.
"Ólimniń sebebi máiitti zerttegende, saraptama jasaǵan kezde anyqtaldy. Ol keýde qýysyna kesilgen jaraqat saldarynan (pyshaqtaý) ókpesi jyrtylyp, kóp mólsherde qan ketken. Qalǵan betindegi qan talaýlary men syzattar saraptama ádisteri boiynsha syrtqy jaraqat bolyp sanalady jáne ólimge ákelmeidi", - deidi Halimnazarov.
Aita keteiik, Tahir Halimnazarov Qazaqstan jurtshylyǵyna Qýandyq Bishimbaevtyń isi kezinde keńinen tanylǵan bolatyn. Ol sot barysynda Saltanat Núkenovaǵa jasalǵan soqqy izderin jáne olardyń zardabyn naqty dáleldermen kórsetip, saraptama jasaǵan bolatyn.
