Jelide aýzynan aq ıt kirip, kók ıt shyǵyp, ishimdik surap otyrǵan er adamnyń vıdeosy tarady. Boljam boıynsha, vıdeoda - eks-mınıstr Qýandyq Bıshimbaev, - dep habarlaıdy Dalanews.kz. 

Vıdeony jýrnalıs Syrym Itqulov telegram arnasynda jarıalady. 

Eskertý! Vıdeoda beıádep sózder aıtylady.

"Bul adam barda shý shyǵaryp, adamdarǵa til tıgizip, ishimdik surap etip otyr. Bul 27 naýryzda soty ótetin adamǵa uqsamaǵan bolsa pablıkterde taraıtyn kezekti qatardaǵy epızod bolyp qalar edi. Vıdeo, boljam boıynsha, 2022 jyldyń aqpanynda túsirilgen", - deıdi jýrnalıs. 

Vıdeodaǵy adamnyń daýsy Qýandyq Bıshimaevtyń daýsyna uqsaıtyny ras. Tipti rolıktegi adamdar "Qýandyq" dep te qalady. 

 "Maǵan vıskı quı. Ózinshe bolma, áńgimege aralaspa. Sen kimsiń? Barmensiń", - deıdi vıdeodaǵy adam. 

Buǵan deıin Qýandyq Bıshimbaevtyń isin alqabıler soty qaraıtyny aıtylǵan. Sot talqylaýy 27 naýryzda bastalatyn boldy.

Sottalýshylardy qamaýda ustaý merzimi alty aıǵa uzartyldy.