جەلٸدە اۋزىنان اق يت كٸرٸپ, كٶك يت شىعىپ, ٸشٸمدٸك سۇراپ وتىرعان ەر ادامنىڭ ۆيدەوسى تارادى. بولجام بويىنشا, ۆيدەودا - ەكس-مينيستر قۋاندىق بيشٸمباەۆ, - دەپ حابارلايدى Dalanews.kz.
ۆيدەونى جۋرناليست سىرىم يتقۇلوۆ تەلەگرام ارناسىندا جارييالادى.
ەسكەرتۋ! ۆيدەودا بەيەدەپ سٶزدەر ايتىلادى.
"بۇل ادام باردا شۋ شىعارىپ, ادامدارعا تٸل تيگٸزٸپ, ٸشٸمدٸك سۇراپ ەتٸپ وتىر. بۇل 27 ناۋرىزدا سوتى ٶتەتٸن ادامعا ۇقساماعان بولسا پابليكتەردە تارايتىن كەزەكتٸ قاتارداعى ەپيزود بولىپ قالار ەدٸ. ۆيدەو, بولجام بويىنشا, 2022 جىلدىڭ اقپانىندا تٷسٸرٸلگەن", - دەيدٸ جۋرناليست.
ۆيدەوداعى ادامنىڭ داۋسى قۋاندىق بيشٸماەۆتىڭ داۋسىنا ۇقسايتىنى راس. تٸپتٸ روليكتەگٸ ادامدار "قۋاندىق" دەپ تە قالادى.
"ماعان ۆيسكي قۇي. ٶزٸنشە بولما, ەڭگٸمەگە ارالاسپا. سەن كٸمسٸڭ? بارمەنسٸڭ", - دەيدٸ ۆيدەوداعى ادام.
بۇعان دەيٸن قۋاندىق بيشٸمباەۆتىڭ ٸسٸن القابيلەر سوتى قارايتىنى ايتىلعان. سوت تالقىلاۋى 27 ناۋرىزدا باستالاتىن بولدى.
سوتتالۋشىلاردى قاماۋدا ۇستاۋ مەرزٸمٸ التى ايعا ۇزارتىلدى.
