Kollaj: Dalanews.kz
Qýandyq Bishimbaev ata-ana quqyǵynan aiyryla ma? Astana sotynyń apelliatsiialyq satysy sheshim shyǵardy
Qýandyq Bishimbaev ata-ana quqyǵynan aiyryla ma? Astana sotynyń apelliatsiialyq satysy sheshim shyǵardy,- dep habarlaidy Dalanews.kz.
Apelliatsiialyq saty burynǵy ulttyq ekonomika ministri Qýandyq Bishimbaevtyń burynǵy áieli Nazym Qaharmannyń aryzyn qarady.
Bishimbaevtyń advokaty Erlan Ǵazymjanovtyń sózinshe, sot otyrysyna Bishimbaev onlain rejimde qatysqan.
"Mekemede sot otyrysyna qatysatyn arnaiy bólme bar, ol osy bólmege baryp, uialy telefon arqyly qosyldy", - dedi Ǵazymjanov.
Apelliatsiialyq sot alqasy birinshi satydaǵy sottyń sheshimin ózgerissiz qaldyrdy.
Iaǵni Qýandyq Bishimbaev ata-ana quqyǵynan aiyrylmaidy.
Nazym Qaharman men Qýandyq Bishimbaev 14 jyl otasqan, resmi nekede bolǵan. Olardyń 3 balasy bar. Erli-zaiypty 2020 jyly, eks-ministr burynǵy qylmystyq isi boiynsha koloniiadan bosaǵannan keiin bir jyl ótken soń ajyrasqan.
Aita keteiik, biyl 26 maýsymda Qýandyq Bishimbaev pen Baqytjan Baijanovqa qatysty qylmystyq istiń apelliatsiialyq sot otyrysy bolǵan edi. Alaida olardyń apelliatsiialyq ótinishi qanaǵattandyrylmady.
Qýandyq Bishimbaev 24 jylǵa, inisi Baqytjan Baijanov 4 jylǵa sottalǵan bolatyn.
Áielin óltirgeni úshin 24 jylǵa qamaýǵa alynǵan Qýandyq Bishimbaev eń joǵary qaýipsizdik mekemesinde jazasyn ótep jatyr.
Buǵan deiin QAJK ókilderi koloniiada eks-ministr úshin qolaily oryn áli bos emes ekenin, sondyqtan jumysqa turmaǵanyn málimdedi.
