كوللاج: Dalanews.kz
قۋاندىق بيشٸمباەۆ اتا-انا قۇقىعىنان ايىرىلا ما? استانا سوتىنىڭ اپەللياتسييالىق ساتىسى شەشٸم شىعاردى
قۋاندىق بيشٸمباەۆ اتا-انا قۇقىعىنان ايىرىلا ما? استانا سوتىنىڭ اپەللياتسييالىق ساتىسى شەشٸم شىعاردى,- دەپ حابارلايدى Dalanews.kz.
اپەللياتسييالىق ساتى بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ بۇرىنعى ەيەلٸ نازىم قاھارماننىڭ ارىزىن قارادى.
بيشٸمباەۆتىڭ ادۆوكاتى ەرلان عازىمجانوۆتىڭ سٶزٸنشە, سوت وتىرىسىنا بيشٸمباەۆ ونلاين رەجيمدە قاتىسقان.
"مەكەمەدە سوت وتىرىسىنا قاتىساتىن ارنايى بٶلمە بار, ول وسى بٶلمەگە بارىپ, ۇيالى تەلەفون ارقىلى قوسىلدى", - دەدٸ عازىمجانوۆ.
اپەللياتسييالىق سوت القاسى بٸرٸنشٸ ساتىداعى سوتتىڭ شەشٸمٸن ٶزگەرٸسسٸز قالدىردى.
ياعني قۋاندىق بيشٸمباەۆ اتا-انا قۇقىعىنان ايىرىلمايدى.
نازىم قاھارمان مەن قۋاندىق بيشٸمباەۆ 14 جىل وتاسقان, رەسمي نەكەدە بولعان. ولاردىڭ 3 بالاسى بار. ەرلٸ-زايىپتى 2020 جىلى, ەكس-مينيستر بۇرىنعى قىلمىستىق ٸسٸ بويىنشا كولونييادان بوساعاننان كەيٸن بٸر جىل ٶتكەن سوڭ اجىراسقان.
ايتا كەتەيٸك, بيىل 26 ماۋسىمدا قۋاندىق بيشٸمباەۆ پەن باقىتجان بايجانوۆقا قاتىستى قىلمىستىق ٸستٸڭ اپەللياتسييالىق سوت وتىرىسى بولعان ەدٸ. الايدا ولاردىڭ اپەللياتسييالىق ٶتٸنٸشٸ قاناعاتتاندىرىلمادى.
قۋاندىق بيشٸمباەۆ 24 جىلعا, ٸنٸسٸ باقىتجان بايجانوۆ 4 جىلعا سوتتالعان بولاتىن.
ەيەلٸن ٶلتٸرگەنٸ ٷشٸن 24 جىلعا قاماۋعا الىنعان قۋاندىق بيشٸمباەۆ ەڭ جوعارى قاۋٸپسٸزدٸك مەكەمەسٸندە جازاسىن ٶتەپ جاتىر.
بۇعان دەيٸن قاجك ٶكٸلدەرٸ كولونييادا ەكس-مينيستر ٷشٸن قولايلى ورىن ەلٸ بوس ەمەس ەكەنٸن, سوندىقتان جۇمىسقا تۇرماعانىن مەلٸمدەدٸ.
