14 naýryzda úkim shyǵarǵan sýdia 37 jastaǵy Bishimbaevti Qylmystyq kodekstiń 28-babynyń 3-bólimi («Qylmystyq quqyq buzýshylyq jasaýdy uiymdastyrǵan nemese onyń oryndalýyna basshylyq etý, sol siiaqty qylmystyq topty qurý ne oǵan basshylyq etý»), 189-baby 4-bóliminiń 2-tarmaǵy («Top bolyp nemese astyrtyn sóz bailasyp, senip tapsyrylǵan bóten múlikti iemdenip alý nemese talan-tarajǵa salýdy uiymdastyrý») boiynsha aiypty dep tanydy.
Sot sonymen qatar Bishimbaevti ómirboiy memlekettik basshylyq qyzmetti atqarý quqyǵynan aiyryp, qylmystyq jolmen alynǵan múlkin tárkileýge úkim kesti.
Sot úkimi boiynsha, Bishimbaev jazasyn qatań rejimdegi koloniiada óteidi. Jaza merzimi ol qamaýǵa alynǵan 2017 jyldyń 10 qańtarynan eseptelmek. Sotta prokýrorlar Bishimbaevti 12 jylǵa bas bostandyǵynan aiyrýdy, oǵan qosa múlkin tárkileýdi suraǵan bolatyn. Al eks-ministr ózine taǵylǵan aiypty joqqa shyǵaryp otyr.
https://dalanews.kz/33208
