14 ناۋرىزدا ٷكٸم شىعارعان سۋديا 37 جاستاعى بيشٸمباەۆتٸ قىلمىستىق كودەكستٸڭ 28-بابىنىڭ 3-بٶلٸمٸ («قىلمىستىق قۇقىق بۇزۋشىلىق جاساۋدى ۇيىمداستىرعان نەمەسە ونىڭ ورىندالۋىنا باسشىلىق ەتۋ, سول سيياقتى قىلمىستىق توپتى قۇرۋ نە وعان باسشىلىق ەتۋ»), 189-بابى 4-بٶلٸمٸنٸڭ 2-تارماعى («توپ بولىپ نەمەسە استىرتىن سٶز بايلاسىپ, سەنiپ تاپسىرىلعان بٶتەن مٷلiكتi يەمدەنiپ الۋ نەمەسە تالان-تاراجعا سالۋدى ۇيىمداستىرۋ») بويىنشا ايىپتى دەپ تانىدى.
سوت سونىمەن قاتار بيشٸمباەۆتٸ ٶمٸربويى مەملەكەتتٸك باسشىلىق قىزمەتتٸ اتقارۋ قۇقىعىنان ايىرىپ, قىلمىستىق جولمەن الىنعان مٷلكٸن تەركٸلەۋگە ٷكٸم كەستٸ.
سوت ٷكٸمٸ بويىنشا, بيشٸمباەۆ جازاسىن قاتاڭ رەجيمدەگٸ كولونييادا ٶتەيدٸ. جازا مەرزٸمٸ ول قاماۋعا الىنعان 2017 جىلدىڭ 10 قاڭتارىنان ەسەپتەلمەك. سوتتا پروكۋرورلار بيشٸمباەۆتٸ 12 جىلعا باس بوستاندىعىنان ايىرۋدى, وعان قوسا مٷلكٸن تەركٸلەۋدٸ سۇراعان بولاتىن. ال ەكس-مينيستر ٶزٸنە تاعىلعان ايىپتى جوققا شىعارىپ وتىر.
https://dalanews.kz/33208
