Memleket basshysy Qasym-Jomart Toqaev tamyz konferentsiiasynyń plenarlyq otyrysynda sóiledi, dep habarlaidy Dalanews.kz.
Prezidenttiń sózinshe, memlekettik qyzmette meritokratiia qaǵidaty basty orynǵa shyqqan.
"Biz bir el, bir halyq bolyp, Ádiletti, Taza ári Qýatty Qazaqstandy quryp jatyrmyz. Ulttyń jańa sapasyn qalyptastyrý úshin naqty reformalardy qolǵa aldyq. Bul – aýqymdy ári kúrdeli jumys. Búginge deiin biraz sharýa atqaryldy. Eldegi saiasi júie tolyq jańǵyrdy. Ulttyq ekonomikanyń jańa baǵdary aiqyndaldy. Qoǵamymyz damyp, azamattardyń sana-sezimi ózgerip jatyr.
Memlekettik qyzmette meritokratiia qaǵidaty basty orynǵa shyqty. Bilikte de otbasylyq júie joq. Azamattardy qyzmetke taǵaiyndaý kezinde eń aldymen olardyń bilimi men kásibi biligi eskeriledi", - dedi Toqaev.
Qasym-Jomart Toqaevtyń pikirinshe, qazir elimizde rýhy azat, oiy erkin urpaq ósip keledi.
"Zańdy syilaý, tártipke baǵyný qoǵamnyń myzǵymas qaǵidasyna ainala bastady. Bir sózben aitqanda, Qazaqstan jańa sipatty el bolý jolyna bet burdy. Biraq ózgeristerdi jasaý bir bólek bolsa, ony birjola ornyqtyrý – bir basqa másele. Ol úshin eń aldymen qoǵam sanasy túbegeili jańǵyrýy qajet. Osy rette sizderge, iaǵni ustazdar qaýymyna zor jaýapkershilik júkteledi. Sebebi naǵyz adal azamat" mektep qabyrǵasynda qalyptasady", - dedi Toqaev.
