Túrkiia Parlamentiniń tóraǵasy Nýman Kýrtýlmýsh Ystambulda bolýy múmkin jer silkinisine bailanysty halyqty daiyn bolýǵa shaqyrdy. Bul týraly Anadolu basylymy jazdy,- dep habarlaidy Dalanews.kz.
Ol jer silkinisinen zardap shekkenderge kóńil aitty.
"Ystambul men onyń mańyndaǵy aimaqtarda qatty sezilgen jer silkinisin bastan ótkerdik", - dedi ol.
Ol qaza tapqandar men zardap shekkender týraly aqparat túspegenin málimdedi.
"Bul jer silkinisin aýyr saldarsyz eńserip, halyq retinde taǵy bir úlken qaýip-qaterdi artta qaldyramyz dep úmittenemiz. Halqymyz, mekemeler men uiymdar daiyn bolyp, jer silkinisin shyǵynsyz ótkerýge tyrysýy qajet", – dedi Túrkiia Parlamentiniń tóraǵasy.
Aita keteiik, Ystambulda 23 sáýirde jergilikti ýaqyt boiynsha 12:49-da joiqyn jer silkinisi tirkeldi. Túrkiianyń tótenshe jaǵdailar basqarmasynyń (AFAD) málimetinshe, jerasty dúmpýleri Ystambul, Tekirdag, Ialova, Býrsa jáne Balykesir provintsiialarynda sezilgen.
