Advokat Djohar Ótebekov Janábilovtar otbasynyń atyshýly isinen keiin Qazaqstan biligi blogerler men infliýenserlerge erekshe nazar aýdaratyn bolady dep sanaidy. Sarapshy blogerlerdiń qyzmetine qatysty baqylaýdyń qataiyp jatqanyn aitady, dep habarlaidy Dalanews.kz.
"Ekinshi jyl boldy, blogerler qatań baqylaýǵa alynýda. Ne istep júr, liýks, sándi ómirdi qalai nasihattaidy, halyqqa ne týraly aitady, salyq tóleidi me, tólemeidi me, osynyń barlyǵy nazarda. Buǵan prezidenttiń ózi de nazar aýdartqan, - deidi Ótebekov Forbes.kz-ǵa bergen suqbatynda.
Sondai-aq advokat depýtattardyń Úkimet basshysy Oljas Bektenovke depýtattyq saýal joldap, onlain-lotereiany zańsyz ótkizgenderge jaýapkershilikti qatańdatýdy surap jatqanyn da eske salady. Ótebekov bul úkimettiń blogerlerge bildirgen taǵy bir belgisi ekenine senimdi.
"Depýtattar bul máseleni jáiden-jái kóterip otyrǵan joq. Endi blogerlermen shyndap ainalysatyn bolady", - deidi spiker.
Qazaqstan 2016 jyldan bastap qoldanystaǵy "Lotereialar týraly" zańmen memlekettik monopoliiany bekitip qoiǵan. Bul quqyqqa tek "Sátti Juldyz" AQ jáne onyń resmi ókilderi ǵana ie.
Barlyq basqa adam lotereialardy operator mártebesinsiz ótkize almaidy. Lotereia naqty taýarlardy nemese qyzmetterdi jyljytý quraly retinde paidalanylatyn marketingtik utys oiyndaryna ǵana bir erekshe jaǵdai qarastyrylǵan. Alaida, sarapshynyń pikirinshe, bul aradaǵy basty másele - blogerler osy uǵymdardy shatystyryp jánet"ónimdi qoldaýdyń ornyna utys oiynyn negizgi tabys kózine ainaldyrǵan".
Sonymen qatar, sarapshy qylmystyq jaýapkershilikke aparatyn jol óte qysqa ekenin eskertedi, óitkeni sońǵy kezderi "zańsyz kásipkerlik týraly sot-tergeý tájiribesiniń baǵyty ózgergen".
Eger ainalymdaǵy aqsha 10 myń AEK-ten (shamamen 40 mln teńge) asatyn bolsa, Qylmystyq kodekstiń baptary qoldanyla bastaidy. Sanktsiia bes jylǵa deiin bas bostandyǵynan aiyrýdy kózdeidi. Eger alaiaqtyq belgileri bolsa (mysaly, eger júldeler óz adamdary arasynda oinatylsa), onda jaza 10 jylǵa deiin bas bostandyǵynan aiyrý jazasy qarastyrylady.
Sońǵy jyldardaǵy negizgi ózgeris, advokat túsindirip ótkendei, qazir zańsyz kásipkerlik anyqtalǵan kezde aiyptalýshylardan tapqan paidany ǵana emes, "ainalymdaǵy barlyq qarajat" tárkilenedi.
Sondai-aq Ótebekov tájiribede blogerlerdiń qaitadan ákimshilik jaýapkershilikke tartylyp jatatyn jaǵdailar birneshe ret kezdeskenin aitady, óitkeni olar [blogerler] aiyppuldardan esh seskenbeitin bolyp alǵan.
Problemalar týyndatýy múmkin blogosferanyń taǵy bir ereksheligi - jarnamalyq jariialanymdardy belgileý mádenietiniń bolmaýy. "Blogerler onyń jarnama ekenin aitpaidy, degenmen zań olardy buǵan burynnan mindettep qoiǵan", — deidi Ótebekov.
