Premer-mınıstrdiń birinshi orynbasary Roman Sklár Samsung Electronics Central Eurasia kompanıasynyń prezıdenti Iýdjın Djongpen kezdesý ótkizdi.
Kezdesýde taraptar yntymaqtastyqtyń ózekti máselelerin talqylady.
Roman Sklár jergilikti óndirýshilerdi jahandyq jetkizý tizbegine engizý, oqshaýlaýdy tereńdetý, óndiristiń ósimin qamtamasyz etý jáne shyǵarylatyn ónim nomenklatýrasyn keńeıtý jumystaryn jalǵastyrýdyń mańyzdylyǵyn atap ótti.
Kezdesý aıasynda Samsung Electronics Central Eurasia men Silkroad Electronics zaýyty arasynda kelisimge qol qoıyldy.
Onyń sheńberinde Samsung kompanıasynyń alǵashqy qazaqstandyq teledıdarlary 2025 jyldyń ekinshi toqsanynda satylymǵa shyǵady.
Bul joba otandyq mashına jasaý salasy úshin qosymsha múmkindikter ashyp, joǵary bilikti jańa jumys oryndaryn ashýǵa septigin tıgizedi.
Sondaı-aq kezdesý barysynda turmystyq tehnıka óndirisi jáne tyǵyz kooperasıalyq baılanystardy odan ári damytý salasyndaǵy basqa da birqatar másele talqylandy.
Dalanews, Astana
