پرەمەر-مينيستردىڭ ءبىرىنشى ورىنباسارى رومان سكليار Samsung Electronics Central Eurasia كومپانياسىنىڭ پرەزيدەنتى يۋدجين دجونگپەن كەزدەسۋ وتكىزدى.
كەزدەسۋدە تاراپتار ىنتىماقتاستىقتىڭ وزەكتى ماسەلەلەرىن تالقىلادى.
رومان سكليار جەرگىلىكتى وندىرۋشىلەردى جاھاندىق جەتكىزۋ تىزبەگىنە ەنگىزۋ، وقشاۋلاۋدى تەرەڭدەتۋ، ءوندىرىستىڭ ءوسىمىن قامتاماسىز ەتۋ جانە شىعارىلاتىن ءونىم نومەنكلاتۋراسىن كەڭەيتۋ جۇمىستارىن جالعاستىرۋدىڭ ماڭىزدىلىعىن اتاپ ءوتتى.
كەزدەسۋ اياسىندا Samsung Electronics Central Eurasia مەن Silkroad Electronics زاۋىتى اراسىندا كەلىسىمگە قول قويىلدى.
ونىڭ شەڭبەرىندە Samsung كومپانياسىنىڭ العاشقى قازاقستاندىق تەلەديدارلارى 2025 جىلدىڭ ەكىنشى توقسانىندا ساتىلىمعا شىعادى.
بۇل جوبا وتاندىق ماشينا جاساۋ سالاسى ءۇشىن قوسىمشا مۇمكىندىكتەر اشىپ، جوعارى بىلىكتى جاڭا جۇمىس ورىندارىن اشۋعا سەپتىگىن تيگىزەدى.
سونداي-اق كەزدەسۋ بارىسىندا تۇرمىستىق تەحنيكا ءوندىرىسى جانە تىعىز كووپەراسيالىق بايلانىستاردى ودان ءارى دامىتۋ سالاسىنداعى باسقا دا ءبىرقاتار ماسەلە تالقىلاندى.
Dalanews، استانا
