Sonymen qatar bala sany 700-den asatyn 284 mektepke arnaiy týrniketter ornatylady. Túrkistan oblysy ákimi Darhan Satybaldynyń tapsyrmasymen bilim salasyna qoldaý kórsetý, balalardyń qaýipsizdigin nyǵaitý baǵytynda naqty jumystar atqarylýda.
Túrkistan oblysynda balalar qaýipsizdigin qamtamasyz etýge oblystyq biýdjetten únemdelgen qarjy esebinen jalpy 6 mlrd teńge qarjy qaraldy. Iaǵni, únemdelgen qarjy esebinen aýqymdy jumys atqarylýda.
Atap aitsaq, kamera ornatýǵa, dabyl, týrniketke, kúzetke, qorshaýǵa, ájethanany aǵymdaǵy jóndeýden ótkizýge, káriz júiesin jóndeýge tiisti qarjy qaralyp otyr.
Osy baǵytta tiisti jumystar qarqyndy júrip jatyr. Atalǵan máseleler jaǵa oqý jylyna deiin tolyq sheshilmek.
Oblysta bala sany 300-den joǵary 572 mektepti mamandandyrylǵan kúzet qyzmetimen qamtamasyz etý qajettigi bar. Bul másele mektepterdegi qaraýyl shtat birlikterin yqshamdaý arqyly únemdelgen qarjy sheginde sheshilmek. Sonymen birge 38 mekteptiń jylý júiesin gazǵa ótkizýge de qarjy qaralǵan.
Túrkistan – elimizdegi eń demografiiasy joǵary óńir. Biyl oblysta 500 myńnan astam oqýshy bilim aldy. Mektepter sany 1000-ǵa jetti. Aimaqta «Jaily mektep» jobasy arqyly 63 mektep salý josparlanǵan.
