سونىمەن قاتار بالا سانى 700-دەن اساتىن 284 مەكتەپكە ارنايى تۋرنيكەتتەر ورناتىلادى. تۇركىستان وبلىسى اكىمى دارحان ساتىبالدىنىڭ تاپسىرماسىمەن ءبىلىم سالاسىنا قولداۋ كورسەتۋ، بالالاردىڭ قاۋىپسىزدىگىن نىعايتۋ باعىتىندا ناقتى جۇمىستار اتقارىلۋدا.
تۇركىستان وبلىسىندا بالالار قاۋىپسىزدىگىن قامتاماسىز ەتۋگە وبلىستىق بيۋدجەتتەن ۇنەمدەلگەن قارجى ەسەبىنەن جالپى 6 ملرد تەڭگە قارجى قارالدى. ياعني، ۇنەمدەلگەن قارجى ەسەبىنەن اۋقىمدى جۇمىس اتقارىلۋدا.
اتاپ ايتساق، كامەرا ورناتۋعا، دابىل، تۋرنيكەتكە، كۇزەتكە، قورشاۋعا، اجەتحانانى اعىمداعى جوندەۋدەن وتكىزۋگە، كارىز جۇيەسىن جوندەۋگە ءتيىستى قارجى قارالىپ وتىر.
وسى باعىتتا ءتيىستى جۇمىستار قارقىندى ءجۇرىپ جاتىر. اتالعان ماسەلەلەر جاعا وقۋ جىلىنا دەيىن تولىق شەشىلمەك.
وبلىستا بالا سانى 300-دەن جوعارى 572 مەكتەپتى مامانداندىرىلعان كۇزەت قىزمەتىمەن قامتاماسىز ەتۋ قاجەتتىگى بار. بۇل ماسەلە مەكتەپتەردەگى قاراۋىل شتات بىرلىكتەرىن ىقشامداۋ ارقىلى ۇنەمدەلگەن قارجى شەگىندە شەشىلمەك. سونىمەن بىرگە 38 مەكتەپتىڭ جىلۋ جۇيەسىن گازعا وتكىزۋگە دە قارجى قارالعان.
تۇركىستان – ەلىمىزدەگى ەڭ دەموگرافياسى جوعارى ءوڭىر. بيىل وبلىستا 500 مىڭنان استام وقۋشى ءبىلىم الدى. مەكتەپتەر سانى 1000-عا جەتتى. ايماقتا «جايلى مەكتەپ» جوباسى ارقىلى 63 مەكتەپ سالۋ جوسپارلانعان.
