Túlkibas aýdanynda alma baý kólemi 3 myń gektardy qurasa, sonyń ishinde 7 júz gektardan astamyn qarqyndy baý alqaby alyp jatyr. El Prezidenti Qasym-Jomart Toqaevtyń sý únemdeý tehnologiialaryn paidalanyp, aýyl sharýashylyǵy óniminiń kólemin arttyrý tapsyrmasyna sáikes, biyl Túlkibas aýdanynda 55 gektar jerge tamshylatyp sýǵarý tehnologiiasy engizilgen qarqyndy alma baý otyrǵyzyldy, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Onyń 25 gektaryna kóshetti Jabaǵyly aýyldyq okrýgine qarasty «Almaly sai» JShS erte kóktemde otyrǵyzsa, qalǵan 30 gektaryn Shaqpaq aýyldyq okrýgine tiesili «Kentaý» JShS búgingi tańda otyrǵyzýda.
Atalǵan jumystardyń barysymen tanysý maqsatynda, «Kentaý» JShS-ne aýdan ákiminiń mindetin ýaqytsha atqarýshy Marat Janesen, aýdandyq aýyl sharýashylyǵy jáne jer qatynastary bóliminiń basshysy Qýatbek Erkebaev, okrýg ákimi Sábit Qoztaev jaýapty mamandarmen birge arnaiy baryp, kásipkerge memleket tarapynan zań talaptaryna sai barlyq qoldaýlar kórsetiletindigin jetkizip, isine sáttilik tiledi.
Seriktestiń direktory Qairat Sadyqovtyń aitýynsha, egilip jatqan alma kóshetteri Túrkiia elinen arnaiy alynǵan.
Aita keteiik, «Kentaý» JShS-niń qarqyndy alma baý kólemi 240 gektarǵa jetip otyr. Seriktestiktiń 2200 tonna alma saqtaityn qoimasy bar. Kásipker qys mezgilinde almaǵa suranystyń jyl sanap artýyna bailanysty, aldaǵy ýaqytta qosymsha 2 tonnadan astam alma saqtaityn salqyndatqyshy bar qoima salýdy josparlap, qys mezgilinde 4 myń 4 júz tonnaǵa deiin ekologiialyq turǵydaǵy taza Túlkibas almasyn saýda qatarlaryna jetkizýdi kózdep otyr.
