Biyl sońǵy qońyraýdyń kúni ózgeredi, – dep habarlaidy Dalanews.kz.
Ministrlik málimetinshe, elimiz boiynsha biylǵy oqý jylyn 3,9 millionnan asa oqýshy qorytyndylaidy. Eki júz on jeti myńnan asa 11-synyp oqýshysy mektep bitiredi.
"Sońǵy oqý kúni, iaǵni 23 mamyrda elimizdiń barlyq mektebinde "Bilimim Otanyma" taqyrybynda biryńǵai synyp saǵaty ótedi. Bul - búkil bilim berý júiesi úshin mańyzdy shara, oqýshylar men ustazdar oqý jylyn qorytyndylap, eń mańyzdy ári qyzyq sátterdi birge eske alady. Biryńǵai synyp saǵaty oqýshylardyń boiynda bilimge umtylys, patriotizm jáne eńbekqorlyq siiaqty qasietterdi qalyptastyrýǵa baǵyttalǵan. Balalardyń oqýdaǵy árbir jetistigi - bolashaǵymyzdyń irgetasyn berik etip qalaýdyń negizi", - dep jazylǵan habarlamada.
Biylǵy oqý jylynyń resmi aiaqtalýy jeksenbi kúnmen sáikes kelgendikten, 11-synyp túlekteri úshin saltanatty shara mektep ákimshiliginiń sheshimimen 23 nemese 24 mamyrda ótkiziledi.
"Mektep formatynan tys sán-saltanatty is-sharalar uiymdastyrý, aqsha jinaý, kólikpen sherýge shyǵý jáne basqa da merekeleý túrlerine jol berilmeitinin taǵy da eske salamyz", - dep eskertti ministrlik ókilderi.
